Қазақстан Республикасы Кәсіподақтар федерациясының төрағасы Сатыбалды Дәулеталин ҚР республикалық салалық кәсіподақтарының басшыларымен кездесу өткізді.
ҚРКФ басшысы кәсіподақ жетекшілерін кәсіби мереке-Кәсіподақтар күнімен құттықтап, Федерацияның ағымдағы қызметі туралы хабардар етті және әріптестерін алдағы күн тәртібімен таныстырды.
«Салалық кәсіподақ бірлестіктері Кәсіподақтар федерациясының негізі болып табылады. Құрметті әріптестер, қарапайым кәсіподақ мүшелерінің мүдделерін белсенді түрде насихаттауға мүмкіндік беретін күнделікті адал еңбектеріңіз үшін рахмет», – деді Сатыбалды Дәулеталин әріптестеріне.
ҚРКФ төрағасы Орталық Азия елдерінің кәсіподақтар кеңесі Халықаралық еңбек ұйымымен бірлесіп өткізген өңірлік конференцияның қорытындылары туралы айтып берді. Онда әлеуметтік әріптестік шеңберінде кәсіподақтардың рөлін күшейту бойынша ұсыныстар әзірленді.
“Қазақстан мен Моңғолияның ұлттық кәсіптік орталықтары арасында тығыз әріптестік қатынастар қалыптасты. Моңғол әріптестеріміз Федерацияның бірқатар салалық кәсіподақтарының қызметіне қызығушылық танытты. Келешекте біз екі елдің тау-кен-металлургия, көлік салаларында кәсіподақтардың өзара іс-қимылын ұйымдастырамыз. Алдағы күн тәртібіне келетін болсақ, 16-19 қазан аралығында Шымкентте ОАЕКК мен ХЕҰ өзара іс – қимылына байланысты үш үлкен іс-шара өтеді”, – деді ҚРКФ төрағасы әріптестеріне.
Кездесу барысында салалық кәсіподақтардың басшылары ҚРКФ «Ұрпақтар кездесуі» акциясы аясындағы мерекелік іс-шаралар барлық өңірлер мен салаларда өткенін хабарлап, әлеуметтік әріптестік желісі бойынша ағымдағы проблемаларға назар аударғанын атап өтті.
Орман шаруашылығы және жануарлар дүниесі қызметкерлерінің салалық кәсіподағының төрағасы Қайрат Өстеміров әріптестерін “Семей Орманы”резерватындағы жағдай туралы хабардар етті.Оның айтуынша, Кәсіподақтар федерациясы әлеуметтік серіктестерге жүгінгеннен кейін “131 спецификация” бойынша жалақының 70% мөлшерінде қосымша ақы төлеу мәселесі шешілді (орманшылықтың көмекші қызметінің қызметкерлеріне). Қажетті өрт техникасымен қамтамасыз етуге келетін болсақ, әлеуметтік серіктестер бұл мәселе ағымдағы жылдың соңына дейін шешілетініне сендірді.
«Қазпрофтранс» салалық кәсіподағының басшысы Оразғали Ахметбаев жаңа көлік министрлігіндегі қайта ұйымдастыру мәселелеріне байланысты жаңа салалық келісімді қарау және қабылдау әлі де кешіктіріліп жатқанын айтты.
«Qazaq Metal» салалық кәсіподақ ұйымының төрағасы Асылбек Нұралиннің айтуынша, саланың еңбек ұжымдарын 55 жастан бастап әлеуметтік жәрдемақы беру мәселесі алаңдатып отыр.
Өз кезегінде “Қызмет” салалық кәсіподағының төрағасы Мірболат Жақыпов және энергетиктер салалық кәсіподағының төрағасы Оразбек Бекбас жаңа Бас келісім жобасында салалардың проблемалық мәселелеріне қатысты нормаларды ілгерілету мәселесін қозғады.
ҚРКФ төрағасының орынбасары Гүлнәр Жұмагелдиеваның айтуынша, ҚРКФ мүшелік ұйымдарының ұсыныстары негізінде дайындалған Бас келісімнің жобасы Үкіметтегі әлеуметтік әріптестердің қарауына бағытталған.
Әріптестерін тыңдап, ҚР Кәсіподақтар федерациясының төрағасы Сатыбалды Дәулеталин жаңа Бас келісімді толтыру сапасы барлық салалар мен одақішілік бірліктің белсенді ұстанымына байланысты екенін атап өтті.
«Әлеуметтік-еңбек саласында жалақы деңгейінен, қауіпсіз еңбек жағдайларын қамтамасыз етуден бастап кәсіпорындардағы еңбек дауларының алдын алуға дейін әлі де көптеген проблемалар бар. Кәсіподақтарымыз ұсынған шаралар негізінде біз қазақстандық жұмысшылар үшін бірқатар тиісті әлеуметтік кепілдіктерді қамтитын Бас келісімнің жобасын әзірледік. Біздің міндетіміз-әлеуметтік әріптестермен талқылау барысында кәсіпорындар мен ұйымдардың қызметкерлеріне әлеуметтік қолдауды күшейту үшін әрбір норманы қорғау”, – деп қорытындылады ҚР Кәсіподақтар федерациясының төрағасы.
ҚР Кәсіподақтар федерациясының медиаорталығы