Павлодар облысы Аумақтық кәсіподақтар бірлестігінің үйлестіру кеңесінің көшпелі отырысы аясында «Победа» ЖШС еңбеккерлеріне құрмет көрсетілді.
«Павлодар облысы бойынша ауыл шаруашылығы қызметкерлерінің салалық кәсіптік одағы» ҚБ филиалының төрағасы Павел Сурма ауыл шаруашылығы саласындағы көп жылғы жемісті еңбегі, ветеринариялық қауіпсіздікті дамыту саласындағы сіңірген еңбегі, кәсіби қызметтегі жоғары жетістіктері, ұжымның қоғамдық өміріне қатысқаны үшін үздік қызметкерлерге марапаттар табыстады.
2024 жылғы 21 маусымдағы «Ауыл шаруашылығы қызметкерлерінің салалық кәсіптік одағы» ҚБ Атқару Комитетінің қаулысы бойынша ветеринариялық қызметкер күніне орай «Жеңіс» ЖШС директорының орынбасары, бастауыш кәсіподақ ұйымының төрағасы Николай Владимирович Афанасьевке «Елеулі еңбегі үшін» салалық кәсіподақ медалі; ІІІ дәрежелі «Еңбек даңқы» салалық кәсіподағының төсбелгісімен «Победа» ЖШС автогараж механигі Гридякин Владимир Петрович және «Победа» ЖШС сауыншы Лаухнер Любовь Викторовна марапатталды.
Ауыл шаруашылығы қызметкерлерінің салалық кәсіподағы филиалының Құрмет Грамотасымен адал еңбегі және ауыл шаруашылығы саласында жоғары өндірістік көрсеткіштерге қол жеткізгені, «Победа» ЖШС техник-осеменатор МТФ ұжымының қоғамдық өміріне белсенді қатысқаны үшін Волков Александр Александрович, «Победа» ЖШС МТФ жұмысшысы Колот Анатолить Анатольевич, «Победа» ЖШС суару учаскесінің меңгерушісі Шишлов Сергей Валерьевич марапатталды.
Павлодар облысы Аумақтық кәсіподақтар бірлестігінің төрағасы Динара Айтжанова «Победа» ЖШС директоры Владимир Поляковқа «Үздік кәсіподақ серіктесі» арнайы мүсіншесін табыс етті.
«Победа» ЖШС басшылығының серіктестік қызметкерлері үшін лайықты еңбек жағдайларын жасауға, оларға қосымша әлеуметтік жеңілдіктер алуға қосқан үлесі, Орловка ауылында жүргізіліп жатқан тиімді әлеуметтік саясат баға жетпес. Әлеуметтік серіктестікте кәсіподақтарды қолдағаны үшін алғыс ретінде Павлодар облысының аумақтық кәсіподақтар бірлестігі «Үздік кәсіподақ серіктесі» арнайы белгісін құрды, оны бүгін алғаш рет «Победа» ЖШС директоры Владимир Александрович Поляковқа табыстаймыз»,- деп құттықтады Динара Айтжанова.