Шымкент қаласында, 9 – шілде су шаруашылығы қызметкерлер күні қарсаңында, «YNTYMAQ» орта және кіші бизнес жұмыскерлері салалық кәсіптік одағы» республикалық қоғамдық бірлестігінің Шымкент қалалық филиалы құрамына кіретін “Су құбыры және канализация басқармасы” МКК мекемесінде кәсіби мерекеге орай салтанатты жиын өтті.
Мекеме басшысы Байболов Бағдат Сырлыбайұлы бастауыш кәсіподақ ұйымы төрайымы Қалдыкөзова Ақнұрмен бірге еңбегімен ерекше еленген қызметкерлерді қала әкімінің және «YNTYMAQ» салалық кәсіподағының алғыс хаттарымен марапаттады. Сонымен бірге ынталандыру мақсатында мекеме ішінде үздік деп танылған төрт бөлімге арнайы диплом және қаржылай сыйлықтар табыс етілді.
Айта кетерлігі, “Су құбыры және канализация басқармасы” МКК Шымкент қаласы әкімдігінің мемлекет тарапынан суды құбыр арқылы тасымалдауды және ағынды суларды кәріз құбыры арқылы тасымалдаумен айналысып, қала тұрғындарын ауыз сумен қамтамасыз етуді жүзеге асыратын маңызды мекеме болып табылады.