Шілденің 10-ы күні «Абай облысының кәсіподақтар орталығы» аумақтық кәсіподақтар бірлестігін төрағасы Зәуреш Исабаева «Келешек» жастар кеңесінің төрағасы Өрлеубек Ерсенбекпен кездесіп, жастар кеңесінің алдағы жұмысы туралы пікір алмасты.
Пікір алмасу барысында өңірлік кәсіпорындарда жастарды жұмыспен қамту, жастарды кәсіподақ қатарына тарту жұмысын жүргізуде белсенділік көрсету, жұмысшы жастарды қоғамдық өмірге тарту, кәсіподақ жастарын біріктіру және тиімді ұжымдық өзара әрекеттестік құру мақсатында семинар-тренингтер ұйымдастыру, «Қайырымды істер марафоны» акциясы аясында халықтың әлеуметтік осал топтарына көмек көрсету бойынша волонтерлік қызметті жандандыру, «Силикат» ЖШС, ««Казполиграф» ЖШС, «Ай-АР» ұн өңдеу комбинаты ЖШС, «ОЭСК» АҚ сияқты басқа да кәсіпорындардың жұмысшы жастарымен кездесулер өткізу мәселелері қозғалды.
Сондай-ақ, әртүрлі мәселелерді талқылау барысында жастар кеңесінің төрағасы Өрлеубек Ерсенбек жастарды салауатты өмір салтына баулу мақсатында тамыз айының әр үшінші жексенбісінде аталып өтетін Қазақстандағы Спорт күнінде жастар арасында спорттық жарыстар мен спорт ұйымдарының «Ашық есік күні» өткізілетінін хабарлады.
Кездесудің соңында Зәуреш Исабаева: «Біз жастардан жаңа креативті, инновациялық идеяларды, белсенділік пен қызықты жобаларды, кадрлық әлеуетті нығайтуды күтеміз», – деп атап өтті.