Құрылысшылар күні қарсаңында құрылыс саласының озаттары марапатталды. Шымкент қаласы кәсіподақтар үйінде, аумақтық кәсіподақтар бірлестігі төрағасының орынбасары Құрманбек Жарқынбек Айдарбекұлы және Құрылыс кешені және тұрғын үй коммуналдық шаруашылық қызметкерлері салалық кәсіподағы филиалы төрағасы Абдурайра Манаховтың қатысуымен қаламыздың озат құрылысшылары марапатталды.
“Елеулеі еңбегі үшін” төсбелгісі “КДСМ” ЖШС құрылыс компаниясының қызметкерлері, Шымкент қаласының және жалпы оңтүстік өңірінің құрылыс саласының озаттары Есімов Мекенбай Сүйінбекұлы мен Икрамов Сәкен Зулхарнайұлына табысталды.
“КДСМ” ЖШС Құрылыс кешені және тұрғын үй коммуналдық шаруашылық қызметкерлері салалық кәсіподағы филиалы құрамына кіреді және жүзге жуық кәсіподақ мүшелері бар.