29 тамыз күні «Қазақстандық салалық мәдениет, спорт, туризм және ақпарат қызметкерлерінің кәсіптік одағы» ҚБ Батыс Қазақстан облыстық филиалының VII конференциясы өтті.
Конференцияға «Қазақстандық салалық мәдениет, спорт, туризм және ақпарат қызметкерлерінің кәсіптік одағы» ҚБ төрағасы Иманкулова Светлана, облыстық кәсіподақ төрағалары мен өкілдері, жергілікті атқару органдарының өкілдері, мәдениет және спорт саласының қызметкерлері мен Батыс Қазақстан облыстық Кәсіподақтар орталығының төрағасы Есекенова Айгүл қатысты.
Жиын барысында Қазақстандық салалық мәдениет, спорт, туризм және ақпарат қызметкерлерінің кәсіптік одағы» ҚБ Батыс Қазақстан облыстық филиалының төрағасы Батырханов Айдар 2019-2024 жылдарда атқарған жұмыстары жөнінде есеп беріп, маңызды мәселелерді баяндады.
Светлана Кеңесқызы өз сөзінде филиалдың жұмысына оң бағасын беріп, 2022 жылы «Қазақстандық салалық мәдениет, спорт, туризм және ақпарат қызметкерлерінің кәсіптік одағы» ҚБ Батыс Қазақстан облыстық филиалы Республика бойынша үздік филиал атанып, жылдар бойына нәтижелі еңбек атқарғанын атап өтті.
Есеп беру және сайлау конференциясының қорытындысы бойынша бір ауыздан Айдар Тапашұлы «Қазақстандық салалық мәдениет, спорт, туризм және ақпарат қызметкерлерінің кәсіптік одағы» ҚБ төрағасы қызметіне қайта сайланды.
БҚО Кәсіподақтар орталығының атынан Айдар Тапашұлын құттықтап, еңбегіне жеміс тілейміз! Еңбек адамының мүддесін қорғаудағы табанды еңбегіңіз табысты болсын!