Бүгін «YNTYMAQ» орта және кіші бизнес жұмыскерлері салалық кәсіптік одағы» республикалық қоғамдық бірлестігінің Шымкент қалалық филиалы құрамына кіретін «Су құбыры және канализация басқармасы» МКК, 1 – қазан Халықаралық қарттар күні қарсаңында ардагерлер мен еңбегі сіңген қызметкерлеріне алғысын білдіріп, ерекше құрмет көрсетті. Ұжымның дамуына зор үлес қосқан ардагерлердің және озат қызметкерлердің еңбегін бағалай отырып, олардың денсаулығы мен демалысын жақсарту мақсатында “Сарыағаш” емдеу-оңалту кешеніне жолдамалар сыйға берілді.
Мекеме директоры Бағдат Байболовтың қолдауымен бастауыш кәсіподақ ұйымының төрайымы Ақнур Калдыкөзова кәсіподақтар атынан: Калимбетов Ж.М., Аширбеков Е.Н., Мырзакулова Ж.С., Бахрамова Г.К., Батталов А.С., Кулбаев Ж.К., Омарбеков С.Н., Таскараев Е.Н., Алимбаев У.Т., Сапаров Н.Т. және Т.Н. Бортановқа жолдамаларды салтанатты түрде табыстады.
Ұйым өкілдері ардагерлердің өмірлік тәжірибесі мен кәсіби шеберлігі қазіргі және болашақ ұрпақ үшін маңызды үлгі болып қала беретінін атап өтті. Бұл сыйлық ардагерлердің денсаулығын нығайтып, оларға демалыс пен сергектік әкеледі деп сенім білдірді.