«Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы – Шымкент қаласының дене шынықтыру және спорт басқармасының «Шымкент қаласының №1 олимпиада резервінің мамандандырылған балалар – жасөспірімдер спорт мектебі» коммуналдық мемлекеттік мекемесінде «Қызмет» салалық кәсіподағы Шымкент қалалық филиалының төрағасы Серік Әуесханов және мекеме директорының орынбасары Талғат Рүстем мен кәсіподақ төрағасы Үсен Сейдалиевпен бірге ұжым мүшелерімен кездесу өткізіп, олардың жұмыстарымен және кәсіподақ мүшелерінің қал-жағдайларымен танысты.
Қорытынды жиынында «Қызмет» салалық кәсіподағы Шымкент қалалық филиалының төрағасы Серік Елемесұлы спорт мектебінің қызметкерлерін «10 қазан – Қазақстан кәсіподақтары күні» мерекесімен құттықтап, бірқатар кәсіподақ мүшелеріне кәсіподақ наградаларын табыстады.
Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен мекеме директорының оқу-ісі жөніндегі орынбасары Талғат Рүстем, филиалдың «Құрмет грамотасымен» жаттықтырушы Бақытбек Төлебаев және филиалдың «Алғыс хатымен» әдіскер-нұсқаушы Жанетта Лесова марапатталды.
Жиын соңында мекеме басшысының орынбасары Талғат Рүстемұлы «Қызмет» салалық кәсіподағының атына алғыс айтып, жұмыстарына сәттілік тіледі.