Тараз қалалық өмірлік қиын жағдайда қалған адамдарды қайта әлеуметтендіруге арналған орталығының құрылғанына 25 жыл толуына орай үлкен шара өтті.
Орталықтың қызметкерлері мен қызмет алушылары арасында спорттық ойындардан Спартакиада ұйымдастырылды. Спартакиадада шахмат, дойбы, асық ату, кір тасын көтеру, қол күресі, секіргішпен секіру, 100 метр қашықтыққа жүгіру және арқан тарту сияқты спорт түрлері бойынша тартысты сайыстар өтті.
Жеңімпаздар мен жүлдегерлер арнайы дипломдар, медальдар және естелік сыйлықтармен марапатталды.
Сонымен қатар, Орталық қызметкерлері арасында өнер байқауы да ұйымдастырылып, түрлі өнер түрлері бойынша сайыстар өткізілді. Жеңімпаз топтар Жамбыл облыстық «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподақ филиалының демеушілігімен бағалы сыйлықтармен марапатталды.
Бұл шара қызметкерлер мен қызмет алушылар арасындағы ынтымақтастықты арттырып, көңілді сәттер мен жарқын естеліктерге толы болды.