Мемлекет басшысы Қасым-Жомарт Тоқаевтың жарлығымен 2025 жыл жұмысшы мамандықтың жылы деп жариялануы сала мамандарының жұмыстарының бағалануы мен олардың еңбектерін ел арасында насихаттау арқылы қоғамға ынталандыру болып табылады. Бұл бастама жұмысшы мамандықтарды дәріптеу арқылы жастарымызды өз еліне үлесін қосатын еңбекқор адам және нағыз маман етуін насихаттайды деп ойлаймын. Қоғамның дамуы ол сол ортада өмір сүріп жатқан адамдарға да байланысты. Ал сол адамдар жұдырықтай күш жинап бірігіп еңбек етсе, еліміздің өркендеуіне өлшеусіз үлес қосары әбден мүмкін. Әр өз қызметіне адал адам оны естен шығармауы тиіс.
Сондай жанның бірі Тайтөбе ауылы «Сұлу-Ай» бөбекжайында кір жуу машинасының операторы мамандығы бойынша қызмет етіп келе жатқан жан -Гүлнар Муханбеткалиева. Гүлнар Мақсатқызы 1962 жылы 6 маусым айында Ақтөбе облысы, Октябрь ауданы, Победа совхозында қарапайым отбасында дүниеге келген.
Арман қуып сонау 1977 жылы сауда және есепші мамандығын меңгеріп, оқу бітірген соң, Ақтөбе созхозрабкомында қызмет атқарған. «Еңбектің наны тәтті» демекші, сол кезден бастап еңбек етудің қыр сырын жетік меңгеріп, үйрене келе, қандай қызмет болса да, әр ісіне жауапкершілікпен қарап, жұмысын жақсы көріп, еңбек етіп келген жан екені байқалады. Соның дәлелі мен нәтижесі әлі де жалғасуда. Отбасымен 2014 жылы сонау киелі Батыс елінен Сарыарқаның төрі Ақмола облысы, Целиноград ауданы, Тайтөбе ауылына қоныс аударып, «Сұлу-Ай» бөбекжайына жұмысқа орналасып, осы күнге дейін сол жерде қызмет етіп келеді.
Жоғарыда айтқанымыздай Гүлнар Мақсатқызы өз ісіне адал, жұмысына мұқият, қандай іс болмасын жаны ашып, жауапкершілікпен қарайтын, тапсырылған міндеттерді уақытылы орындап, адал атқарып отыратын, әріптестер арасында сыйлы, беделді жан десек артық емес. Бөбекжай қызметкерлеріне үлгі болып, жастарымызға ақыл кеңесін беріп, керек кезде бағыт-бағдар беріп отырады. Ұзақ уақыт осы мекемеде кәсіподақ төреайымы қызметін бірге алып жүріп, әріптестеріміздің қандай да бір сұрақ, өтініштеріне бар білгенімен бөлісіп, дұрыс шешілуіне үлесін қосып келді. Осы кез аралығында әр қырынан табыла білген Гүлнар апайымыз өткізіліп отыратын қоғамдық іс-шараларға да қатысып, өз үлесін қосып отырады.
Білім саласында 40 жылдай еңбек етіп келе жатырған Гүлнар апайымыз әлі де өз қызметін сол сарында жалғастырып келуімен қатар, отбасында ардақты ана, сүйікті әже, аяулы жар болып өз ұрпағын бала – шаға, немерелерін тәрбиелеп келе жатқан асыл жан. Алдағы уақытта ол кісіге мықты денсаулық,отбасына амандық, ұрпағының ұйтқысы болып, өсіп келе жатырған жас ұрпаққа үлгі болып жүре беріңіз дегіміз келеді.
Халқымызда «Жұмыстың көзін тапқан – байлықтың өзін табады» деген сөз бар. Кәсібіне адал әрі жауапкершілікпен қараған адам қашанда лайықты бағасын алады. Қандай да бір жұмыстың жаманы жоқ, кез келген еңбек –қадірлі. Қадірлі деген атқа лайықты жандар көбейсін