Құрметті орман шаруашылығы саласының қызметкерлері мен ардагерлері!
Сіздерді кәсіби мерекелеріңіз – Орман шаруашылығы қызметкерлері күнімен шын жүректен құттықтаймын!
Орман – бұл табиғаттың тынысы, жердің жүрегі, өмірдің мәңгілік бастауы. Ал сол орманды қорғап, баптап, жаңартып отыру – ерекше төзімділік пен жан жылуын қажет ететін ізгі іс.
Бүгінде елімізде орман шаруашылығы саласы тұрақты дамып келеді.
Жасыл желекті сақтау, орман қорын молайту және экологиялық тепе-теңдікті сақтау бағытында маңызды жұмыстар жүргізілуде.
Қай өңірде болмасын, орман – елдің көркі, табиғаттың тынысы, ал оны күтіп-баптау – Сіздердің қажырлы еңбектеріңіздің жемісі.
Сіздердің күнделікті еңбектеріңіз көзге көп түсе бермесе де, оның пайдасы мен маңызы орасан. Әр отырғызылған ағаш – болашаққа қалдырған мұра, әр қорғалған орман – ұлт саулығының кепілі.
Сіздердің табиғатты аялаудағы жауапкершіліктеріңіз, кәсібиліктеріңіз бен жанашырлықтарыңыз еліміздің экологиялық қауіпсіздігін қамтамасыз ету ісіне үлкен үлес қосып келеді.
ҚР Кәсіподақтар федерациясы атынан Сіздерге туған жердің табиғатын аялау жолындағы адал еңбектеріңіз үшін шынайы алғыс білдіремін.
Сіздерге мықты денсаулық, қажымас қайрат, еңбекте табыс, отбасыңызға амандық пен береке тілеймін!
Жасыл орманның мәңгі тынысы Сіздердің еңбектеріңізбен жаңғырып, ұрпаққа үлгі бола берсін!
Ізгі тілекпен,
ҚР Кәсіподақтар федерациясының
төрағасы Сатыбалды Дәулеталин