Еңбек және өнеркәсіптік қауіпсіздік саласында тек қағаз бетіндегі нұсқаулықтар ғана емес, сонымен қатар әрбір қызметкердің денсаулығы мен өмірін қорғауға қауқарлы, заманауи және жоғары технологиялық құралдардың маңызы болашақта бұрынғыдан да арта түсті. «Алматы электр станциялары» АҚ-да жаңа ЖИ-жоба — өнеркәсіптік қауіпсіздікті бейнебақылаудың зияткерлік панелі енгізілуде.
Бұл жүйе нақты уақыт режимінде жұмыс істейді және нысандардағы еңбек қорғау ережелерінің сақталуын қадағалайды. Камералар жеке қорғаныс құралдарының жоқтығын, жұмысшылардың қауіпті аймақтарға өтуін, күдікті заттарды, сондай-ақ апаттық жағдайлардың ықтимал белгілерін — түтін, от, буды тіркейді.
Жоба қазірдің өзінде нақты пайдасын көрсетуде: алғашқы айларда жарақаттануға немесе апаттарға әкеп соғуы мүмкін жүзден астам заң бұзушылық анықталды. Бүгінде компанияда 1500-ден астам камера орнатылған және бақылау желісін тағы 400-ге кеңейту туралы шешім қабылданды.
Біз – кәсіподақтар үшін, бұл шешім — қауіпсіз еңбек мәдениетін қалыптастырудағы алға басу. Бұл — апаттар орын алғанға дейін олардың алдын алатын және жұмысшылардың денсаулығы сөзбен емес, технологиялық түрде қорғалатын проактивті тәсіл.
2025–2026 жылдарға арналған компания жоспарында жетуі қиын аймақтарды бақылау үшін ұшқышсыз ұшу аппараттарын интеграциялау, хабарлау және байланыс жүйелерін, сондай-ақ көліктегі бейнетіркегіштерді енгізу көзделген.
Біз мұндай бастамаларды қолдаймыз, өйткені жұмыс орнындағы қауіпсіздік — бұл жұмыс берушінің, мемлекеттің және кәсіподақтардың ортақ міндеті. Ал әрбір сақталған өмір мен денсаулық — бұл таңдалған жолдың дұрыстығының ең жақсы бағасы.