Мәди Амантайұлы Бекмұхан — «Астана аймақтық электр желісі компаниясы» АҚ Электр энергиясын тұтынуды бақылау басқармасының №2 қызмет көрсету орталығының есепке алу бөлімінің аға шебері.
Оның кәсіби жолы жеті жылдан бері энергетика саласымен тығыз байланысты, ал соңғы төрт жыл бойы еңбек құқықтарын қорғау мен қауіпсіз еңбек мәдениетін нығайтуға бағытталған белсенді кәсіподақ қызметімен айналысуда.
Мәди Бекмұхан 2018 жылы Томск ұлттық зерттеу политехникалық университетінің «Электроэнергетика және электротехника» мамандығы бойынша магистратурасын бітіріп, еңбек жолын «Астана-АЭК» АҚ-да электр энергиясын тұтынуды бақылау қызметінің учаске шебері қызметінен бастаған.Кейінгі жылдары кәсіби құзыреттерін біртіндеп кеңейтіп, инженер, содан кейін электр энергиясын коммерциялық есепке алудың автоматтандырылған жүйесі қызметінің жетекші инженері қызметтерін атқарған. 2023 жылдан бастап учаске шебері лауазымында жұмыс істеген, ал 2025 жылғы қыркүйекте Электр энергиясын тұтынуды бақылау басқармасының аға шебері қызметіне тағайындалған.
Өз жұмысы барысында Мәди Бекмұхан тұтынушылардан электр энергиясын есепке алуды ұйымдастыру мен бақылауды, технологиялық процестер мен нормативтік құжат талаптарының сақталуын қамтамасыз етеді.Есеп жүйесін жетілдіру, деректердің сенімділігін арттыру, коммерциялық шығындарды азайту және тұтынушыларға қызмет көрсету сапасын жақсарту іс-шараларына белсенді қатысады.Сонымен қатар оның жауапкершілігіне дебиторлық берешекті өңдеу, есептеу құрылғыларын тексеру, тұтынушылармен және қоғамның бөлімшелерімен өзара әрекеттесу де кіреді.
Әріптестері Мәди Амантайұлын жауапты, сауатты және бастамашыл маман ретінде сипаттайды.Ол тиімді жұмыс үрдістерін ұйымдастырып, салмақты шешімдер қабылдап, кәсіби деңгейін жүйелі түрде арттырып, үздіксіз даму жолында еңбек етеді.
Негізгі өндірістік қызметімен қатар кәсіпорынның кәсіподақ өміріне де белсенді қатысады. «Астана-АЭК» АҚ қызметкерлері кәсіподағының техникалық инспекторы ретінде қызмет етіп, еңбек құқықтарын қорғау, кәсіподақ қозғалысын дамыту және еңбекті қорғау мен өнеркәсіптік қауіпсіздік мәдениетін қалыптастыруға айтарлықтай үлес қосады.
Мәди Бекмұхан жастармен жұмыс жасауға және салауатты өмір салтын насихаттауға ерекше мән береді.Ол «Астана-АЭК» АҚ футбол командасының тұрақты мүшесі әрі көшбасшыларының бірі болып, қалалық және салалық спорттық шараларда кәсіпорынды абыроймен танытып келеді.
Еңбектегі адал еңбегі мен қоғамдық қызметіне белсенді қатысқаны үшін Мәди Бекмұхан Энергетиктер күніне орай Құрмет грамотасымен, сондай-ақ Қазақстан Республикасы Кәсіподақтар федерациясының Алғыс хаты және Құрмет грамотасымен марапатталған.