Қостанайда қала әкімі Марат Жүндібаевтың төрағалығымен әлеуметтік әріптестік және әлеуметтік және еңбек қатынастарын реттеу жөніндегі қалалық үшжақты комиссияның отырысы өтті. Отырыс жұмысына Қостанай облысы Кәсіподақ орталығының төрағасы Ирина Аронова қатысты.
Отырыс барысында қала кәсіпорындарындағы еңбекақы бойынша берешек мәселесі қаралды. Бүгінгі таңда 3 кәсіпорынның 141 жұмысшыға 18,4 млн.теңге берешегі бар: «Керей күзет агенттігі» ЖШС – 5 қызметкерге берешегі – 676 995 теңге; «ТеплоАгроСелКомплект Титан» ЖШС 7 қызметкерге берешегі – 1,0 млн.теңге; «TSK Titan» ЖШС 129 жұмысшыға 16,7 млн теңге қарыз.
Қала әкімі аталған кәсіпорындарды бақылауға алуды, жұмыс берушілермен қысқа мерзімде жалақы төлеу бойынша келіссөздер жүргізуді тапсырды.
2023 жылдың қорытындысы бойынша Қостанай қаласы бойынша жазатайым оқиғалар саны 51 (2022 жылмен салыстырғанда 18 жағдайға азайған), 55 адам зардап шекті (25 адамға азайған). Өндірістік жарақаттану фактілерін жасыру ерекше алаңдаушылық туғызады. Өткен жылы қалада осындай 7 факті анықталды (6 кәсіпорында кәсіподақ ұйымы жоқ).
Тәжірибе көрсеткендей, жазатайым оқиғаларды жасырудың себептері кәсіпорында еңбек қауіпсіздігі мен еңбекті қорғаудың ойдан шығарылған әл-ауқатын құру, әкімшілік және қылмыстық жауапкершіліктен аулақ болу болып табылады. Сондықтан жеке жұмыс берушілер әдейі заңды бұзуға барады, осылайша статистиканы бұрмалайды.
Жасыруға жол берген заңды тұлғаларға қатысты әкімшілік іс қозғалды, жалпы сомасы 1 млн.теңгеден астам айыппұл санкциялары шығарылды.
Өз кезегінде кәсіподақ орталығының төрағасы Ирина Аронова өндірістегі жазатайым оқиғаларды жасыруға жол берген кәсіпорындардың басшыларын келесі үшжақты комиссияға шақыруды және тыңдауды ұсынды.
“Жалақы төлеу және қауіпсіз еңбек – жұмыс берушінің міндеті”, – деп атап өтті әлеуметтік серіктестер.