«Қазақстандық салалық мәдениет, спорт, туризм және ақпарат қызметкередірінің кәсіптік одағы» ҚБ Жамбыл облыстық филиалы өңіріміздің спортшыларын «Спорт күні» мерекесімен құттықтап, марапаттады.
Марапаттау іс шарасына Қазақстан Республикасы Кәсіподақтар федерациясының «Жамбыл облысы Кәсіподақтар орталығы төрағасының орынбасары Бахтияр Қараулов арнайы қатысты.
Жыл сайын елімізде тамыз айының үшінші жексенбісі – «Спорт күні» кәсіби мерекесі ретінде кең көлемде аталып келеді.
Сергектік пен жастықтың мерекесіне айналған бұл күнді барша спорт сүйер қауым асыға күтеді. Өйткені, Спорт күні – барша халықтың мерейлі мерекесі. Жамбыл облысының спорт саңлақтары қашанда үздіктер қатарынан көрініп келеді.
Кеңес дәуірінде облыс атағын дүрілдеткен чемпиондарымыздың ізін басып келе жатқан жастарымыз аз емес. Бүгінде, олардың қатарындағы кеше ғана Парижде өткен олимпиада чемпионатында біздің Елдос Сметов алтын алып, бүкіл қазақ елін қуантты. Жерлестеріміздің жетістіктері жас өскелең буынға үлгі.
Ел болашағы, ұлт келешегі жастарымыздың дені сау, ұлтжанды азамат болып өсуіне спорттың үлесі мол деп ойлаймын. Сондықтан да, жылда кәсіподақ тарапынан да осы мерекеге орай әр-бір бастауыш кәсіподақ ұйымдардың төрағалары еңбегі ерекше спортшыларды марапатқа ұсынады. Қоғамдық жұмысқа қатысу деңгейін және спорттағы нәтижелі еңбектерін бағалап, түрлі деңгейдегі марапаттар беріледі.
Бүгінде 12 спортшы Салалық кәсіподақтың «Еңбек даңқы» медалімен марапатталды. Атап айтар болсақ, Тараз, Аулиеата кәсіпқой көкпаршылар спорт клубының басшысы – Момынов Нурдаулет Набиевич, Тараз қаласы, № 6 балалар мен жасөспірімдер спорт мектебі, басшысы – Мазимбаев Марат Кененбайұлы, Мойынкум, № 23 6 балалар мен жасөспірімдер спорт мектебі қазақ күресі жаттықтырушы – Майшекеев Жанат Елубайұлы, Дене мүмкіндігі шектеулі адамдарға арналған спорт клубының басшысы – Бейсембаев Саттар Ергалиевич, Колледж – интернаттың бокс түрінен жаттықтырушысы – Сейдалиев Нұрлан Адайбекұлы, Тараз қаласы, № 1 БЖСМ, батут гимнастикасы бойынша жаттықтырушысы – Назарова Ольга Сергеевна, Мерке ауданы, № 21 БЖСМ – Ашкеев Гайни Жексенович, Шу қаласы, № 36 БЖСМ, басшысы – Шохаев Жиеналы Кораласбаевич, Шу қаласы, № 36 БЖСМ, жаттықтырушысы – Кенбаев Наби Жуатханович, Тараз қаласы, № 7 бжсм басшысы – Таңатаров Ақжурек Достыкович, Жамбыл ауданы, № 13 Түрксіб ауылындағы бжсм басшысы – Иманалиев Мұхтар Серікұлы және биылғы Парижде өткен олимпиада чемпионы – Сметов Елдос Бактыбаевич.
Осы марапаттардан бөлек облыстық Маслихаттың, Жамбыл облысы Кәсіподақтар орталығының, республикалық Салалық кәсіподақтың Құрмет грамоталары мен алғыс хаттар табысталды.
Соңынан Кенен Әзірбаев атындағы Жамбыл облыстық филармониясының әншілері патриоттық әндер орындап, барша қатысушылардың рухын көтеріп тастады.
Жеңістеріңіз көп болсын құрметті спортшылар! Біз Сіздермен мақтанамыз!
Жамбыл облысы.