ҚР Президенттігіне кандидат Аманкелді Таспиховтың Қызылорда облысы бойынша өңірлік штаб басшысы, аумақтық кәсіподақтар бірлестігінің төрағасы Серік Сермағамбетовтың облыстық тарихи өлкетану музейі еңбек ұжымымен кездесуі өтті.
Кездесуде С.Сермағамбетов ұжымды ағымдағы жылы 9 маусымда өтетін Қазақстан Республикасы Президенті сайлауында белсенділік танытуға шақырып, кәсіподақтардан кандидат Амангелді Таспиховтың өмірбаяны мен тұғырнамасымен таныстырды. Ұжымды елде тарихи маңызды саяси науқанмен тұстас келген 18 мамыр – Халықаралық музей күні, төл мерекелерімен құттықтап, музей қызметкерлерінің жастарға, жалпы қоғам мүшелеріне тәлім – тәрбие берудегі, ғылыми, мәдени және рухани қызметтері үшін алғыс білдірді.
