«Келешек» жастар қанатының мүшелері сайлау науқанына білек сыбана кіріскен. Шымкент қаласында жолаушыларға түсіндірме жұмыстарын жүргізіп, халыққа насихат парақшалары мен ҚР Президенттігіне кандидат А.Таспиховтың сайлауалды бағдарламасы бар кітапшаларын таратты.
Шаһардағы көп шағынауданды қамтитын, аралайтын аумағы кең № 147 бағыттағы автобустарға жайғасқан жастар азаматтарды сайлауалды материалдармен таныстырды. Алда келе жатқан Президент сайлауының маңыздылығына тоқталған қыз-жігіттер азаматтарды саяси додадан тыс қалмай, белсенді болуға шақырды. Үміткер А.Таспиховтың тұғырнамасын түсіндіріп, үгіт-насихат жұмыстарын белсене атқарды.
