21 мамыр күні Батыс Қазақстан облысының ҚР Президенттігіне үміткер А.Таспиховтың сенімді өкілі Ғ.Сахипов сайлауалды науқанның үгіт-насихат жұмыстарымен Батыс Қазақстан облысының Қаратөбе ауданына іссапарға шықты.
Сенімді өкіл Қаратөбе ауданының тұрғын үй-коммуналдық шаруашылық саласының кәсіподақ мүшелерімен кездесті. Кездесу барысында Ғ.Сахипов үміткерді қолдап сөз сөйлеп, оның өмірбаяны мен еңбек адамын жан-жақты қолдауға негізделген сайлауалды тұғырнамасымен таныстырды.
Кездесуге қатысушылар өз тараптарынан сайлауалды тұғырнамада қозғалған ұсыныстар туралы оң көзқарастарын білдіріп, сенімді өкілге сұрақтар қойып, үміткер А.Таспиховқа қолдау білдіретіндерін айтты. Кездесу соңында сенімді өкіл қатысушыларды ҚР Президенттігіне «Қазақстан Республикасының Кәсіподақтар Федерациясы» РҚБ үміткер А.Таспиховқа қолдау көрсетіп, дауыс беруге шақырды.