16 мамыр күні Ж.Молдағалиев атындағы облыстық әмбебап ғылыми кітапханасында мәдениет қызметкерлерінің күніне орай «Кітапхана жұлдыздары» атты кәсіби мерекелік шара өтті.
Мәдениет қызметкерлерінің тынымсыз еңбектерінің арқасында халықтың бос уақытын тиімді ұйымдастыру, оның ой-өрісін кеңейту, жастарды патриоттық, ынтымақтастық сезімде тәрбиелеп, халқымыздың салты мен дәстүрін сақтауға зор үлес қосып отырғандарына алғыс айтылды.
Сонымен қатар кәсіподақтың белсенді өкілдері «Қазақстан Республикасының Кәсіподақтар федерациясы» РҚБ ҚР Президенттігіне үміткер А.Таспиховтың сайлауалды үгіт-насихат жұмыстарының аясында қатысушыларға үгіт-насихат материалдарын таратты.
Сенімді өкіл Ж.Джумашева Қазақстан Республикасының Президенттігіне үміткер А.Таспиховтың өмірбаянымен, тұғырнамасымен таныстырып, сайлауға қатысып, азаматтық белсенділік көрсетіп және сайлауалды тұғырнаманың тезистеріне сәйкес еңбекшілердің мүддесі мен құқығын қорғайтын Таспиховты қолдауға шақырды.
Жиынға қатысушылар еңбектерінің тиісті бағаланғанын, жоcықсыз жұмыс берушілердің жауапкершілігін арттыру, балалардың оқуы, жұмысқа орналасу мәселері А.Таспиховтың тезистерінде көрсетілгеніне ризашылығын білдіріп, қолдайтынын жеткізді.