Кәсіподақтардан Президенттікке кандидат Аманкелді Таспиховты қолдап, Қызылорданың кәсіподақ мүшелерінің Марафоны ұйымдастырылды.
Марафон бастауы алаңында қатысушыларға Президенттікке үміткер Аманкелді Таспиховтың өмірбаяны мен тұғырнамасы таныстырылды. Республикалық сайлауалды штабтың тең-жетекшісі Даулеталин Сатыбалды Телағысұлы еңбек даңқын арттырған сайлауалды тұғырнаманың мазмұнынан сөз қозғады.
Сыр елінің мақтанышы, дзюдодан ҚР Еңбек сіңірген жаттықтырушысы, спорт шебері Қален Қалиұлы марафон жүгірушілерін алда өтетін сайлауда белсенділік танытып, кәсіподақтар кандидатын қолдауға шақырды.
Марафонда Қызылорда кәсіподақтарының авто- мото шеруі бастап жүріп, 300 ге жуық түрлі сала мамандары 5 шақырым қашықтықты жүгіріп өтті. Барлық сала, Қызылорда облысы бойынша 11 түрлі салалық кәсіподақтарда біріккен Марафоншы кәсіподақ мүшелеріне кандидаттың Алғыс хаттары табысталды. Кандидаттың Қызылордалық кәсіподақ мүшелеріне алғысын республикалық штабы басшысы орынбасары Каппель Егор Яковлевич жеткізді.