Бүгін 29 мамырда ҚР Президенттігіне кандидат А.Таспиховтың сенімді өкілі Серік Мырзаханов Сырдария ауданының Қызылдихан шаруа қожалығы жұмыскерлерімен кездесті.
С.Мырзаханов жұмыскерлерді кәсіподақтардан ұсынылған кандидаттың өмірбаянымен таныстырып, кандидаттың сайлауалды тұғырнамасын түсіндірді. Ел президентін сайлау жауапкершілікті кезеңінде әрбір азаматтың дауысы маңызды екендігі айтылды, сенімді өкіл сайлауға белсенді қатысуға, кәсіподақтар кандидаты А.Таспиховқа дауыс беруге шақырды. Жұмыскерлерге үгіт-насихат материалдары таратылды.