29 мамыр күні көпбейінді қалалық ауруханасы базасында «SENIM» Денсаулық сақтау жүйесі жұмыскерлерінің салалық кәсіптік одағы» РҚБ Батыс Қазақстан облыстық филиалының ұйымдастыруымен «SENIM» кәсіподақ еңбекшілері арасындағы шахмат ойынынан жарыс өтті.
Жарыс еңбекшілер арасында дене шынықтыру, сауықтыру, салауатты өмір салтын қалыптастыру мақсатында өткізілді. Зияттық ойынға қатысуға қызығушылық танытқан денсаулық сақтау қызметкерлері топ жарып, жүлделі орындарға ие болды.
Жарыс соңында ҚР Президенттігіне кандидат А.Таспиховтың сенімді өкілі М.Кусаинов қатысушылар мен жанкүйерлерге кандидат туралы айтып, оның өмірбаяны мен сайлауалды түғырнамасымен бөлісті. Еңбек адамының құқығы мен мүддесін қорғауға, қауіпсіз еңбек жағдайларын жасауға бағытталған мақсат қойған А.Таспиховты қолдап, дауыс беруге шақырды. Кейін жарыстың қорытындылары жарияланып, Батыс Қазақстан облыстық филиалының төрағасы М.Кусаинов жеңімпаздарды құттықтап, дипломмен марапаттады, жарысты ұйымдастыруға ықпал етіп, белсенді қатысқан денсаулық сақтау мекемелерінің және №2 балалар және жасөспірімдер спорт мектебінің қызметкерлеріне алғысын білдірді.