2020 жыл 19 маусым күні «Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының төрағасы С.Әуесханов Шымкент қаласы бойынша Қазынашылық департаментінде және Шымкент қаласының Статистика департаментінде ұжым мүшелерін «Мемлекеттік қызметшілердің кәсіби мерекесі күні» меркесімен құттықтап, мемлекеттік қызмет саласына еселі үлес қосқан, қаланың әлеуметтік-экономикасына және кәсіподақ қозғалысына белсенді үлес қосқаны үшін бірқатар кәсіподақ мүшелерін марапаттады.
Атап айтқанда: Шымкент қаласының Статистика департаменті сауда басқармасының бас маманы Нурбол Сарбаевқа «Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің «Құрмет грамотасы» және Шымкент қаласы бойынша Қазынашылық департаменті бюджетке, мемлекеттік мекемелердің шоттары және басқа шоттар бойынша түсетін түсімдер бөлімінің басшысы Калдыкул Тастанбековаға «Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігінің төсбелгісі, «Шымкент қаласы кәсіподақтар орталығы» аумақтық кәсіподақтар бірлестігінің «Құрмет грамотасы» табысталды.
Сондай-ақ, «Шымкент қаласы кәсіподақтар орталығы» аумақтық кәсіподақтар бірлестігінің «Құрмет Грамоталарымен» Шымкент қаласының Статистика департаментінің басшысы Ерназар Құлтаев, Шымкент қаласы бойынша Қазынашылық департаментінің басшысы Қарлығаш Шарафиева, Шымкент қаласы бойынша Қазынашылық департаменті бюджеттерді атқару бөлімінің бас маман-бас қазынашысы Мархабат Сыбанкулова, Шымкент қаласы бойынша Қазынашылық департаменті жергілікті бюджеттегі мемлекеттік мекемелердің төлемдерді алдын ала бақылау және өткізу бөлімінің бас маман-бас қазынашысы Айгерим Байсаликова, Шымкент қаласы бойынша Қазынашылық департаменті қазынашылық жүйесін технологиялық сүйемелдеу және ақпараттық қауіпсіздік бөлімінің бас маманы Меруерт Мекебаева, Шымкент қаласы бойынша Қазынашылық департаменті жергілікті бюджеттегі мемлекеттік мекемелердің төлемдерді алдын ала бақылау және өткізу бөлімінің басшысы Карлыгаш Оралова марапатталды.