2021 жылдың 27 қаңтар күні “Bastau” коворкингте Батыс Қазақстан облыстық жастар саясаты басқармасының жетекшілігімен өңірдегі жастар ұйымдарының өкілдері кездесті. Аталмыш кездесуге “Келешек” кәсіподақ жастарының өкілдері де қатысты.
Кездесудің басты мақсаты – Қазақстан Республикасы тәуелсіздігінің 30 жылдығына орай, жасалған жұмыс жоспарын талқылау, ұсыныс-пікірлерді ортаға салу.
Облыстың жастар ісі жөніндегі ресурстық орталықтарының жетекшілері және әртүрлі жастар ұйымдарының басшылары өздерінің ұсыныс-сұрақтарын жолдады.
Жиын барысында “Келешек” жастар кеңесінің БҚО бойынша төрайымы – Ақерке Шайқы “Еңбек кубогі – 2021” кәсіпорындардағы жұмысшы жастар мен NEET категориясындағы жастар арасында ұйымдастырылатын шараларға қатысты және жастардың саяси сауаттылығын арттыру мақсатында бірқатар ұсыныстарын жеткізді.
“БҚО КӘСІПОДАҚТАР ОРТАЛЫҒЫ” АКБ