«Ұстаз» Алматы қалалық жергілікті кәсіптік одағы Наурызбай аудандық филиалына қарасты №157 ЖББМ бастауыш кәсіподақ ұйымының атқарып жатқан еңбектері баршылық.
Алматы қаласы Қалқаман ықшам ауданында орналасқан бұл жалпы білім беретін мектепте барлығы 358 қызметкер жұмыс істейді, олардың барлығы кәсіподақ мүшелері. Бастауыш кәсіподақ ұйымының төрайымы – Нурадилова Маржан Жұманқызы.
Мектепте қашықтан оқу, оның санитарлық талаптары сақталған.
№157 ЖББМ география пәні мұғалімі, техникалық инспектор Венера Абдыкуловна былтырғы жылы өткізілген «Республикалық еңбек қауіпсіздігі техникалық инспекторы» сайысына қатысып, оның қалалық сатысында жүлделі үшінші орынды иеленді. Жүлдегер ұстаз арнайы дипломмен бірге бағалы сыйлықпен марапатталды. Мекеменің, ондағы техникалық инспектор маманның озық жұмыс тәжірибелері аудан көлемінде таратылып, насихатталды.
«Ұстаз» Алматы қалалық жергілікті кәсіптік одағы Наурызбай аудандық филиалы Алматы қаласы аумақтық кәсіподақтар бірлестігімен ақпараттық мәселелер бойынша тығыз жұмыстар атқарып келеді. Кәсіподақ өміріне қатысты қала төңірегіндегі өткізіліп жүрген іс-шараларға «Ұстаз» жергілікті кәсіптік одағы белсенді араласып отырады. Алматы қаласының әлеуметтік, экологиялық мәселелері, мәдени, спорттық өміріне қатысты кәсіподақтардың аумақтық бірлестігі көтерген бастамаларға ұстаздар кәсіподағы белсенді атсалысуда. Жеңістің 75 жылдығына арналған республикалық челлендждің Алматы қаласындағы жалғасы, пандемия кезіндегі мұқтаж жандарға көмек шаралары да өзара байланыста өткізілген игі шаралар болды. Бұл шара № 157 ЖББМ ұстаздарымен бірлесіп өткізілді.
Кәсіподақ өкілдері Жеңістің 75 жылдығы қарсаңында соғыс ардагері, ардагер ұстаз Степан Яковлевичті мерекесімен құттықтап, оған сыйлықтар тапсырды. Ардагер №157 ЖББМ қатысты ықшам ауданда тұратындықтан да шараға Маржан Нұрадилова бастаған ұйым мүшелері атсалысты.
«Үздік педагог-2020» байқауына қатысқан №157 ЖББМ физика пәнінің мұғалімі Назигүл Рақымбекқызы 3 орын иеленіп, арнайы дипломмен және «Ұстаз» кәсіптік одағы Наурызбай аудандық филиалының бағалы сыйлығымен марапатталды.
Бастауыш кәсіподақ ұйымының мүшелері XXVI съезінде қабылданған ҚР Кәсіподақтар федерациясының 2020-2025 жылдарға арналған «Әділеттілік пен дамуға – бірлікте» стратегиясында көрсетілген экономиканы қалпына келтіру, жұмысшылардың әлеуметтік қорғалуын күшейтуге және Еңбек адамының лайықты өмір сүру деңгейін қамтамасыз етуге бағытталған әлеуметтік диалогтың жаңа форматына ауысу жағдайларында еліміздегі кәсіподақтар қозғалысын дамыту векторларын анықталғанын онлайн режимде талқылады.
№157 ЖББМ БКҰ Еңбек күніне арналған онлайн-шараларға, әсіресе «Мен бағымды өзім күтіп баптаймын» шарасына белсене араласты.
Тәуелсіздік күні мерекесімен құттықтау челленджіне қатысушы Наурызбай ауданы №157 ЖББМ мұғалімдері тобы: Архат Советович, Ербол Ержанұлы, Балнур Идрисовна, Балнұр Мәмбетқұлқызы Республика сарайының алдындағы Абай алаңында Ж.Молдағалиевтің өлеңінің бір-бір шумағын жатқа оқып шықты. «YouTube» арнасына #16-желтоқсан хэштегімен жүктеліп жазылым санының артуына, кәсіподақ қозғалысының бұқаралылығын арттыру мақсатында қызмет етті.