Бүгінде «Болат Нұржанов атындағы Екібастұз МАЭС-1» ЖШС-де 1411 қызметкер жұмыс істейді, оның ішінде 1130 адам кәсіподақ мүшесі болып табылады.
Қызметкерлердің денсаулығын қорғау және қауіпсіз еңбек жағдайларын жасау – әлеуметтік әріптестік жүйесіндегі басым бағыттар.
2021 жылдың 13 сәуірінен бастап «Болат Нұржанов атындағы Екібастұз МАЭС-1» ЖШС-де COVID-19 коронавирустық инфекциясына қарсы жаппай вакцинация басталды.
Кәсіпорын қызметкерлері тікелей кәсіпорында лицензияланған денсаулық сақтау пунктінде ерікті вакцинациядан өте алады, оның штатында 1 дәрігер, 1 аға фельдшер, 4 фельдшер және 1 медбике медициналық көмек көрсетеді.
Вакцинация үшін барлық жағдайлар жасалған, вакцинацияның медициналық процедурасының барлық алгоритмі сақталған: қызметкерлерді егжей-тегжейлі медициналық тексеруден бастап ресейлік “Спутник V” вакцинасын сақтау шарттарына дейін. Егуді алғаннан кейін медицина қызметкері қызметкердің жағдайын тексереді және демалу үшін үзіліс береді.
Т.Чигвинцеваның төрағалығымен бастауыш кәсіподақ ұйымы цехтарда вакцинацияның артықшылықтары туралы түсіндіру жұмыстарын жүргізді, өйткені, өндірістік ұжымның тұрақты жұмысы үшін вакцинацияланған қызметкерлер инфекциядан сенімді қорғалған және оны еңбек ұжымының мүшелеріне беруге қатыспайды.
Төтенше жағдай жарияланған күннен бастап осы уақытқа дейін “COVID-19. Кәсіподақтар қауіпсіз еңбек үшін ” кәсіподақтармен сайланған 17 еңбекті қорғау жөніндегі техникалық инспектор қосымша қауіпсіздік шараларының сақталуына қоғамдық бақылау жүргізеді.
Кәсіпорында станция қызметкерлерінің өту орындарындағы температурасын термометрлердің көмегімен күнделікті ауысым алдындағы тексеру жүргізіледі, қолды дезинфекциялау үшін қабырға санитайзерлері мен антисептикалық кілемшелер орнатылған, жұмыскерлерге жеке қорғаныс құралдары беріледі.
Павлодар облысының бас санитарлық дәрігерінің талаптарын ескере отырып, станция аумағында әлеуметтік қашықтықты сақтау бойынша белгілер қарастырылған, жұқтырудың алдын алу туралы ақпарат орналастырылған.