2021 жылғы 22 сәуірде “Еңбек қауіпсіздігі және еңбекті қорғау, өнеркәсіптік және өрт қауіпсіздігі саласындағы қызметкерлерді оқыту талаптары” тақырыбында ALTYN ENBEK оқу-сараптамалық орталығының вебинарына еңбек қауіпсіздігі және еңбекті қорғау қызметтерінің инженерлері, еңбекті қорғау жөніндегі техникалық инспекторлар және металлургия, теміржол көлігі, энергетика, электр жылу энергетикасы, химия және мұнай-газ өнеркәсібі, тұрғын-үй коммуналдық шаруашылық, ауыл шаруашылығы, білім беру және мәдениет кәсіпорындарының алғашқы кәсіподақ ұйымдарының төрағалары қатысты.
Еңбекті қорғау, өнеркәсіптік, өрт және экологиялық қауіпсіздік саласында қызмет көрсету бойынша көп бейінді компания ретінде ALTYN ENBEK оқу-сараптамалық орталығының миссиясы – кәсіпорындарға жұмыс орындарындағы қауіпсіздік деңгейін арттыруға көмек көрсету, еңбекті қорғау, өнеркәсіптік және өрт қауіпсіздігі саласындағы сапалы консалтинг есебінен жазатайым оқиғалар санын азайту.
Вебинардың спикері 30 жылдық еңбек өтілі бар еңбекті қорғау және қауіпсіздік саласындағы жетекші сарапшы, оқу-сараптама орталығының оқытушысы Наурызов Аден Абиевич болды. Тыңдаушылар үшін еңбекті қорғауды басқару жүйесі, оқытудың мерзімділігі мен мерзімі, экономиканың түрлі салаларындағы кәсіптер мен лауазымдар үшін еңбекті қорғауды оқыту мәселелерін нормативтік реттеу туралы мәселелер егжей-тегжейлі баяндалды.
Әрбір жұмыс орнындағы еңбекті қорғау және оның қауіпсіздігі әрбір кәсіпорындағы қызметтің басым бағыттары болып табылады.
ALTYN ENBEK өнеркәсіптік қауіпсіздік, еңбек қауіпсіздігі және еңбекті қорғау, өрт-техникалық минимум, электр қауіпсіздігі, биіктіктегі жұмыстар, алғашқы көмек көрсету, Жүк көтергіш механизмдермен жұмыс, ілмектеушілерді дайындау, қысыммен жұмыс істейтін жабдықтар бойынша оқу-сараптамалық орталығының курстарында оқытуға көмектеседі.
Вебинар тыңдаушылары үшін экономиканың әртүрлі салаларындағы әр кәсіпорында еңбекті қорғау, өнеркәсіптік және өрт қауіпсіздігі мәселелері бойынша оқытуды ұйымдастыру туралы қаралған мәселелер үлкен практикалық маңызы бар. Семинар соңында қатысушылар сертификаттар алып, вебинарды ұйымдастырушыларға алғыс сөздерін білдірді.