Отан қорғаушылар күні және Ұлы Жеңіс мерекесі қарсаңында мәдениет, архивтер және құжаттама басшысы Алтынай Юнисова, Мәдениет, спорт және ақпарат қызметкерлерінің кәсіподақ төрағасы Назира Табельдинова, мәдениет саласында ұзақ жылдар қызмет еткен тыл ардагері Телман Төлебаевті құттықтады.
Ойыл өңіріне танымал Телман Төлебаев өмірінің басым бөлігін пелагогика, комсомол, партия, мәдениет, кәсіподақ ұымдарындағы жұмысқа арнаған.
Мәдениет саласында қызмет атқарған кезінде ҚСРО әртістері Асанәлі Әшімов, Роза Жаманова, Роза Багланова, Қазақстан халық әртістері Әминә Өмірзақова, Бекен Римова, Роза Рымбаева және Бәкір Тәжібаев, Шәміл Әбілтай сияқты өнер, мәдениет майталмандарыменен қоян-қолтық жұмыс істеген белгілі азамат.
Көптеген республикаға белгілі, елеулі қоғам қайраткерлерінің, мысалы Елеусін Сағындықов, Төлеген Таңатаров сиякты азаматтардың ұстазы.
Мәдениет, кәсіподақ салаларының басшылары Телман Төлебаевқа алғысын білдіріп, сыйлықтарын табыстады. Телман Төлебаев мәдениет қызметкерлері ешқашан ұмытпай, елеп, құттықтап келіп тұратынын айтып, ризашылығын білдіріп, ақ батасын берді.