1960 жылы сәуірде еңбек өнімділігін арттыру, саладағы бәсекелестікті жан-жақты дамыту, әлеуметтік әріптестікті ұйымдастыру мақсатында Теміржолшылар конференциясы өткізіліп, кәсіподақ ұйымы құрылды.
Кәсіподақтың облыстық комитеті президиумының бірінші төрағасы Әнуар Жақыпов кейіннен Жамбылдың коммунистік партия ұйымының жетекшісі, Кеңес Одағы Жоғарғы Кеңесінің депутаты болды.
«Қазақстан темір жолы» ұлттық компаниясы» акционерлік қоғамының Қостанай филиалының кәсіподақ ұйымы 60 жылдан астам уақыт еңбек адамының пайдасына жұмыс жасауда.
Кәсіподақ ұйымының жарты ғасырлық тарихы теміржол бөлімінің мыңдаған қызметкерлерінің өмірімен және өндірістік қызметімен тығыз байланысты. Қостанай филиалының төрағасы Гафу Несіпбаевтың айтуынша, қазір біздің кәсіподақ – біртұтас организм. Кәсіподақтың Қостанай филиалына 14 бастауыш кәсіподақ ұйымы кіреді.
Кәсіпорын трафик көлемінің өсуінде, жылжымалы құрамның пайдаланылуын жақсартуда, өнімнің өзіндік құнын төмендетуде, озық технологиялық процестерді енгізуде және кәсіподақ мүшелерінің құқықтары мен мүдделерін қорғауда айтарлықтай көрсеткіштерге қол жеткізді.
Өткен жылы салалық кәсіподақ кәсіпорындардың кәсіподақ комитеттері мен кәсіподақ мүшелерінің әлеуметтік жағдайларын жақсарту үшін электр құрылғыларын сатып алған болатын.
Кәсіподақ қауіпсіз жұмыс үшін, елімізде төтенше жағдай кезеңінде кәсіподақтың Қостанай филиалы бастауыш кәсіподақ ұйымдарымен бірге кәсіподақ мүшелері үшін қажетті жеке қорғаныс құралдарын сатып алуды ұйымдастырды және әріптестеріне бетперделер тіккен болатын.
Қызметкерлердің өздері үшін де, олардың отбасы мүшелері үшін де еңбек пен демалыс үшін лайықты жағдайлар жасалған: көпбалалы және аз қамтылған отбасылардың балалары үшін қайырымдылық акциялары, іс-шаралар, спорт жарыстары өткізіледі. Кәсіподақ жетекшісі Талғатбек Спановты еске алуға арналған волейболдан турнир жыл сайын өткізіледі, 9 жыл ішінде жарысқа 108 команда қатысты.
2017 жылдан бастап кәсіподақ «Теміржол футбол лигасының кубогы» турнирін өткізіп келеді, оған облыстың барлық құрылымдық бөлімшелері қатысады.
Кәсіпорын қызметкерлерін сауықтыру – кәсіподақтың негізгі бағыттарының бірі. Есіл және Құсмұрын станцияларында кәсіподақ ұйымдарының күшімен кәсіподақ мүшелері үшін «Тұлпар» спорт залы, Тобыл станциясында демалыс бөлмесі ашылды.
Рухани-адамгершілік, отбасылық дәстүрлер мен құндылықтарды нығайту және насихаттау мақсатында теміржолшылардың жас отбасыларының қатысуымен Теміржолшылардың жас отбасыларының фестивалі өткізіледі.
Саланың аймақтық кәсіподақ органы Қазақстан Республикасы теміржолшылар кәсіподағының 20 жылдығына орай Қостанай жол бөлімшесі ғимаратының жанында әр жылдары басшылық еткен кәсіподақ көшбасшыларын еске алуға арналған саябақ ашты.