26 мамырда партияның Cайлауалды бағдарламасын орындау жөніндегі Жол картасын іске асыру шеңберінде облыстық мәслихат депутаттары құрамындағы жұмыс тобы Ақсу қаласы бойынша құрылыс нысандарын аралады.
⠀
Жұмыс сапары барысында партия мүшелері қалалық жылыту қазандығы мен Құрылысшылар көшесіндегі бес қабатты көппәтерлі тұрғын үйлердің құрылыс барысымен танысты.
⠀
Жұмыс тобының құрамына облыс депутаты, облыстық Кәсіподақтар орталығының төрайымы Айтжанова Динара, облыстық мәслихат депутаттары Илья Теренченко, Ирина Чидунчи, Раушан Даумова, Серік Садуақасов кірді.
⠀
Жасалған шарттарға сәйкес барлық объектілер ағымдағы жыл ішінде пайдалануға берілуі тиіс. Қалалық қазандықтың құрылысы аяқталды. Қазір нысанда іске қосу-жөндеу жұмыстары жүргізілуде. Жаңа қазандықты іске қосу осы жылдың қыркүйек айына жоспарланған. Мердігер ұйым «KBIEnergy» ЖШС.
⠀
Келесі партия мүшелері Құрылысшылар көшесіндегі 43 бес қабатты тұрғын үйлерді аралады. Мұнда жұмыстар 90% орындалды. Қазіргі уақытта аумақты абаттандыру және қалалық мәслихат депутаттары анықтаған ескертулерді жою бойынша жұмыстар жүргізілуде.
⠀
Депутаттық фракция мүшелері партияның Сайлауалды бағдарламасын орындау жөніндегі Жол картасына енген құрылыс нысандарына мониторинг жүргізуді жалғастыруда.