Ағымдағы жылдың 1 маусымында жыл басынан бастап кезекті, қатарынан 18-ші, 2021 жылға арналған жұмыс жоспарына сәйкес Кәсіподақтар федерациясы ұйымдастырған оқыту семинары өткізілді.
Семинарға энергетиктердің республикалық салалық кәсіподақ құрамына кіретін кәсіподақ ұйымдарының 60 төрағасы қатысты.
Семинарға Қазақстан Республикасы Кәсіподақтар федерациясы төрағасының орынбасары Нұрлан Өтешев қатысты, ал энергетиктер салалық кәсіподақ ұйымының төрағасы Оразбек Бекбас модератор болды.
Н.Өтешев құттықтау сөз сөйлеп, кәсіподақтың қарапайым мүшелерімен кері байланыс орнатуға, кәсіподақтық және қаржылық тәртіпті сақтау, кәсіподақ мүшелерінің Кәсіподақтар федерациясының атқарушы және басқарушы органдарының жұмысы, заң шығару және құқықтық жұмыстары туралы кең хабардарлығын қамтамасыз етуге, кәсіподақ қозғалысының тартымдылық деңгейін көтеруге бағытталған жаңа жобаларды қолдауға бағытталған Кәсіподақтар федерациясының соңғы бастамалары туралы сала белсенділеріне ақпарат берді,.
Кәсіподақтар федерациясы өткізетін «Қалың қалай, бастауыш ұйым?» акциясы, бастауыш кәсіподақ ұйымдарына онлайн режимінде бару – байланыста болуға, жұмысшылардың проблемалары және кәсіподақтардың жергілікті жерлерде жүргізіп жатқан жұмыстары туралы ақпарат алуға мүмкіндік беретін жұмыс формаларының бірі туралы толығырақ айтты.
Семинарға қатысушылар келесі тақырыптар бойынша қысқа курстардан өтті: «Кәсіподақтардың құқықтық қызметінің негіздері. Кәсіподақ қозғалысының тартымдылығы», «2021 жылға өзгертулер мен толықтырулар енгізілген еңбек заңнамасын қолдану тәжірибесі» және «Еңбек дауларын шешу. Келісу комиссиясының жұмысын ұйымдастыру».
Кәсіподақ белсенділері экономиканың нақты секторына немесе бюджеттік салаға жататындығына қарамастан, Қазақстан Республикасының еңбек қатынастары, сауда саласындағы қолданыстағы заңнамасының барлық нормаларын баптар бойынша түсіндіруге мұқтаж, кәсіподақтық заңнамалар, көбінесе азаматтық, әкімшілік және қылмыстық кодекстерді білуге қажеттілік туындайды.
Кәсіподақтар федерациясы оқу семинарларының бағдарламаларын әзірлеу кезінде салалардың ерекшеліктерін, салалық кәсіподақтар басшылығының бұрын айтқан тілектерін ескереді.
Осы жылдың соңына дейін Кәсіподақтар федерациясы жұмыс жоспарына сәйкес әр салалық кәсіподаққа бір семинар өткізуді жоспарлап отыр.
Л.Есжанова, Ұйымдастыру-бақылау жұмысы дирекциясы директорының орынбасары