2021 жылғы 12 қарашада Павлодар облысы аумақтық кәсіподақтар бірлестігінің Татуласу орталығында Павлодар облысының белгілі медиаторларының қатысуымен Павлодар облыстық аумақтық кәсіподақтар бірлестігі өткізген азаматтарды бірлескен қабылдау апталығы шеңберінде “МИР” өңіраралық Медиация орталығы” жеке мекемесінің медиаторы, Павлодар облысы заң консультанттары палатасының заң консультанты Фазылбек Дарбаев еңбек дауы тараптарын медиация жолымен татуластыру тәжірибесімен бөлісті.
Фазылбек Оңдағанұлы мемлекеттік қызметші ретінде Павлодар облыстық сотының сот отырысының хатшысы, бас маманы, Павлодар қаласы әкімшілік сотының кеңсе меңгерушісі болып жұмыс істеген. Қазіргі уақытта 10 жылдан астам тәжірибелі заң кеңесшісі, Павлодар облыстық заң консультанттары палатасының мүшесі болып табылады. 2018 жылдан бастап кәсіби медиатор біліктілігін алғаннан кейін Фазылбек Оңдағанұлы неке-отбасы, азаматтық және еңбек даулары бойынша медиацияны сәтті өткізді.
Павлодар облысы аумақтық кәсіподақтар бірлестігінің шақыруы бойынша Ф.У. Дарбаев “Татуласу орталығы” кәсіподақтардың орталығында азаматтарды қабылдады, оған қойылған барлық сұрақтарға, оның ішінде 87088614656 жедел желіге келіп түскен сұрақтарға жауап берді.
Қабылдау аясында кәсіби медиатор Ф.У. Дарбаевпен еңбек дауларына қатысушыларды медиация арқылы татуластыру тәжірибесімен бөліскен Павлодар облысы аумақтық кәсіподақтар бірлестігінің “Татуласу орталығының” басшысы М.Иванова кездесті.
Қабылдау аясында жүгінген өнеркәсіптік кәсіпорындардың бірінің қызметкері жыл сайынғы еңбек демалысын алу тәртібі және жұмыс берушінің бастамасы бойынша еңбек демалысынан қайтарып алудың заңдылығы туралы кеңес алды. Жедел желі арқылы жұмыс берушінің бастамасы бойынша еңбек шартын бұзған жағдайда келісім комиссиясына жүгіну тәртібі туралы, қызметкердің бастамасы бойынша еңбек шартын бұзу тәртібі туралы сұрақтарға жауаптар берілді.
Павлодар облысының аумақтық кәсіподақтар бірлестігі алаңында медиатор Ф.У. Дарбаевпен ынтымақтастық тұрақты негізде жалғасатын болады.