Шымкент қалалық жасөспірімдер кітапханасының ұжымы жасырын камера қолдану арқылы «Біз сізді іздейміз» атты акциясын өткізуде.
Бастауыш ұйымның мүшелері Шымкент шаҺарының тұрғындарын кітап оқып отырған сәтін тосыннан жасырын камераға түсіріп алу арқылы кітапқұмар жандармен жақын танысып, кітапханаға шақырып «Оқырман билетін» ұсыну арқылы кітапханада оқырмандар санын көбейтпек.
Жыл соңында ең қызықты және күрделі шығарманы оқыған және мазмұндап берген оқырмандарды кітапхананың әлеуметтік желілеріне жариялап, сыйлықтармен марапаттайтын болады. Ұйымдастырылған акция арқасында жасөспірімдер кітапханасының ұжымы қаланың кітапсүйер қауымын тұрақты оқырманына айналдырмақ.
