Шығыс Қазақстан облыстық кәсіподақтар орталығы әлеуметтік әділеттікті іргелету мақсатында әртүрлі іс-шараларды жүзеге асыруда.
«Қазақстандық мәдениет, спорт, туризм және ақпарат жұмыскерлерінің салалық кәсіподағы» ҚБ-нің облыстық филиалының төрағасы Түсіпхан Түсіпбековтің ұйымдастыруымен «ШҚО спортта дарынды балаларға арналған мамандандырылған мектеп-интернат колледж» ММ (мекеме басшысы – Естаев Ержан, бастауыш кәсіподақ ұйымының төрағасы – Тартаева Зайра) жұмыскерлерімен кездесу өтті. Түсіпхан Түсіпбеков салалық кәсіподақтың және облыстық филиалдың кәсіподақ мүшелерінің еңбек жағдайларын жақсарту жолында атқарылып жатқан жұмыстар туралы, облыстық әлеуметтік әріптестік туралы Келісімнің орындалу барысы және жұмыскерлердің мүддесін қорғаудағы Ұжымдық шарттың маңызы туралы ақпарат берді.
Осы кездесуге қатысқан ШҚО аумақтық кәсіподақтар орталығының маманы Батырбек Нурпеисов қатысушыларға еңбек қатынасында кездесетін жекеленген даулар туралы және оларды реттеудің жолдары туралы түсіндіріп, қатысушылардың көптеген сұрақтарына жауап берді. Мекеме басшысы кәсіподақ өкілдеріне алғысың айтып, еңбек үдерісіндегі орын алатын жеке мәселелер бойынша өз пікірін айтты. Кездесуге ұйымның 40 жуық жұмыскері қатысты.