Ақтөбе қаласындағы Әлия мемориальдық музейінде Халық Қаһарманы Хиуаз Доспанова туралы Атырау облыстық тарихи-өлкетану музейінің «Есімі аңызға айналған қазақтың батыр қызы» атты көшпелі көрмесінің ашылуы өтті.
Шараға қатысушылар қазақтан шыққан тұңғыш ұшқыш қыз – Хиуаз Доспанова туралы тағылымды пікірлерін айтты.
Шара барысында «Қазақстандық салалық мәдениет, спорт және ақпарат қызметкерлерінің кәсіптік одағы»қоғамдық бірлестігінің Ақтөбе облыстық филиалының төрайымы Назира Табылдинова көрмені ұйымдастыруға атсалысып отырған музейі ұжымына ризашылығын білдіріп, музей қызметкерлеріне Халықаралық мереке қарсаңында естелік сыйлықтар табыс етті.