Нұр-Сұлтан, BAQ.KZ. Қазақстан Республикасы Кәсіподақтар федерациясы «Еңбек адамын ұлықтау» республикалық медиа-байқауын жариялады.
ҚРКФ «Еңбек адамын ұлықтау» медиа-байқауы 5 номинация – «Үздік журналист», «Үздік ақпараттық әріптес», «Үздік фотообъектив», «Кәсіподақтардың үздік ақпараттық ресурсы» және «Үздік кәсіподақ баспасөз қызметі» бойынша өтеді.
Байқауға кез келген деңгейдегі БАҚ журналистері, тәуелсіз журналистер, Федерацияның мүше ұйымдарының БАҚ-пен жұмыс жөніндегі қызметкерлері, фотографтар, блогерлер, сондай-ақ агенттіктер мен коммерциялық емес ұйымдар қатыса алады.
2022 жылғы 1 мамыр мен 1 қыркүйек аралығында бұқаралық ақпарат құралдарында жарияланған және эфирге шыққан материалдар қабылданады.
Байқау жеңімпаздары Қазақстан кәсіподақтары күнін мерекелеу қарсаңында биылдың 10 қазанына дейін белгілі болады.
https://baq.kz/enbek-adamyn-ulyqtau-respublikalyq-bayqauy-zhariyalandy_279570/