6 маусым күні Атырау облыстық Кәсіподақтар орталығының ұйымдастыруымен барлық салалық кәсіподақтардың қызметкерлеріне және бастауыш кәсіподақ ұйымы мүшелеріне арнап ауызашар дастарханын жайды. Ауқаттанар алдында ниет етіп, Алла разылығы үшін, еліміздің тыныштығы мен бейбіт өмір тілеп дұға бағыштады.
Рамазан – мұсылмандар үшін қасиетті және берекелі ай. Ислам таңы осы айда атып, дүниені жарығына бөлеген, ұлы кітабымыз Құран Кәрім осы айда түсе бастаған. Мың айдан да қадірлі болып есептелетін Қадір түні де осы айдың ішінде. Ішкі дүниемізді жаман ойлардан және сыртқы дүниемізді жаман әрекеттерден тазартатын ораза осы айда ұсталады.