Сыздықов Салютхан Темірханұлы Қызылорда облысында фтизиопульмонология орталығында дәрігер-стоматолог болып жұмыс жасайды. Ол 1962 жылы 23 ақпанда Қызылорда облысы, Жаңақорған ауданында дүниеге келген. Алматы Мемлекеттік медициналық институтына түсіп, стоматология факультетін бітірген. 1988-1989 жылдары ординатураны Қызылорда қалалық балалар тіс емдеу емханасында өтіп, сол жылдары еңбек жолын Қызылорда қалалық балалар тіс емдеу емханасында дәрігер-стоматолог болып бастады. Кейін Қызылорда облысының туберкулезге қарсы балалар санаториясында дәрігер-стоматолог болып қызмет жасады. Ол жоғары санатты тіс дәрігері.
Салаға сіңірген еңбегі үшін Салютхан Темірханұлы Қазақстандық стоматологиялық ассоциациясының «Үздік дәрігер стоматолог» медалімен ,2016 жылы «Қазақстан Республикасының Тәуелсіздігіне 25 жыл» орай мерекелік медалімен және де басқа да марапаттармен марапатталды.
Дәрігер өз ісінің білікті маманы екендігін әрдайым көрсетеді, ұжымдастары ортасында абыройлы болып келеді. Кәсіподақ ұйымының белсенді мүшесі ретінде кәсіподақ қозғалысын дамытуға зор үлес қосуда.