Кәсіподақтар күні мерекесіне орай Павлодар облысының аумақтық бірлестігінің салтанатты іс-шарасы өтті, деп хабарлайды @Pavlodarnews.kz.
Шараға кәсіподақ қозғалысының ардагерлері, Павлодар облысының салалық, жергілікті және бастауыш кәсіподақ ұйымдары филиалдарының төрағалары, Павлодар облыстық сотының өкілдері, әлеуметтік әріптестер қатысты.
– Еңбек адамы – қоғамның басты байлығы. Еңбек адамын құрметтеу, оның құқықтары мен мүдделерін қорғау – біздің кәсіподақ ұйымдары қызметінің негізгі қағидаты. Осы мереке күні мемлекеттік құрылу кезеңіндегі қиын жылдарда кәсіподақ қозғалысын сақтап қалған кәсіподақ қозғалысының ардагерлері ерекше құрметке лайық. Қазіргі кезеңде кәсіподақ бірлестіктері әлеуметтік әріптестіктің барлық деңгейлеріндегі қызметкерлердің мүдделерін белсенді түрде білдіреді, келісім комиссиялары құрамындағы қызметкерлердің мүдделерін қорғайды, кәсіподақ мүшелерінің белсенді демалысы мен сауығуына қамқорлық жасайды, – деп атап өтті Павлодар облысы аумақтық кәсіподақтар бірлестігінің төрайымы Динара Айтжанова.
Шара барысында кәсіподақ қозғалысының белсенділері ҚР Кәсіподақтар федерациясының «Кәсіподақтағы белсенді жұмысы үшін» медалімен, Құрмет грамоталары мен Алғыс хаттармен, Павлодар облысы аумақтық кәсіподақтар бірлестігінің Құрмет грамоталарымен марапатталды.
Павлодар облысы аумақтық бірлестігінің әлеуметтік әріптестерінің өкілдері, Павлодар облысы бойынша соттар әкімшісінің басшысы А. Жұмамұратов және «Павлодар облысы бойынша мемлекеттік әлеуметтік сақтандыру қоры» АҚ филиалының басшысы А.Капенова құттықтау сөз сөйледі.