Рахипбекова Сабира Керімбайқызы 1963 жылдың 19 желтоқсан айында Жетісу облысы, Ақсу ауданы, Жансүгіров ауылында дүниеге келген. 1981 жылы Е. Сиқымов атындағы орта мектепті бітірді. 1981-1983 жылдары Ақсу аудандық мәдениет бөлімінде №7 автоклуб меңгерушісі болып жұмыс бастаған.
1983 жылы Сарқан қаласындағы мәдениет-ағарту училищесінде кітапханашы мамандығы бойынша түсіп, 1986 жылы бітіріп шықты. Оқуды бітірген соң мамандығы бойынша Ақсу ауданы, Қаракемер ауылында ауылдық кітапханада жұмысын жалғастырды. 1993-2012 жылдар аралығында Ақсу аудандық орталық кітапханада қызмет еткен.
2012 жылдан балалар кітапханасына ауысып, осы мекемеде кітапханашы қызметін атқарып келеді. Кітапхана ісінің дамуына қосқан елеулі еңбегі үшін 2008 жылы Мәдениет және тілдерді дамыту бөлімінің Алғыс хатымен, 2009 жылы Ақсу ауданы әкімінің «Құрмет грамотасы», 2021 жылы «Қазақстан құрметті кітапханашысы» төсбелгісімен марапатталды.