Салимбаев Магзым Егінтайұлы 29 тамызда 1985 жылы дүниеге келген. 2006 жылы Б.Ахметов атындағы колледжін дене шынықтыру мұғалімі мамандығы бойынша бітіріп шықты. 2014 жылы Павлодар Мемлекеттік Педагогикалық Институтын «Бастапқы әскери дайындық» мамандығы бойынша бітіріп шықты.
2010 жылдан «Жас дәурен» облыстық Оқыту-сауықтыру орталығында» дене шынықтыру пәні мұғалімі болып қызмет атқарады. Білімі жоғары, бірінші санатты мұғалім. 2022 жылы «Педагог-модератор» санатын алды. Жалпы педагогикалық еңбек өтілі 14,5 жыл. Ол еңбек жолында талай жетістіктерге жетіп, мектепшілік, аудандық сайыстарға қатысып мектептің абыройын көтеріп жүрген ізденімпаз ұстаз. Білімі мен өнегесін оқушыларына арнап, бойындағы бар күш-жігерін шәкірт тәрбиелеуге жұмсайды.
Сонымен қатар ол мектептегі қоғамдық жұмыстарға да белсене араласады. Ұжым ортасында беделді, адамгершілігі мол, мінезі ашық, жас мамандарға көмектесіп отырады. Ұжыммен тіл табысқыш, кішіпейіл, қарапайым ұстаз.