«Еңбек адамы» айдарының бүгінгі шығарылымының кейіпкері – Ерекешов Закия Хайрушұлы. Закия Хайрушұлы – Батыс Қазақстан облысы «Жайықжылуқуат» АҚ көлік жүргізушісі.
Саналы ғұмырын еңбекке арнаған Закия Хайрушұлы 1960 жылы 18 ақпанда БҚО, Жаңақала ауданы, Айдархан ауылында дүниеге келген. 2007 жылдан бері аталған жұмыс орнында қызмет атқарады.
Әулетіне абыройлы, әріптестері арасында сыйлы Закия Хайрушұлы «Жайықжылуқуат» АҚ жергілікті кәсіподақ ұйымының белді мүшесі. Еңбеккер құқығын қорғап, қоғамдық шараларға белсене қатысып, әлеуметтік көмек көрсетуге үнемі атсалысады.
17 жасынан рөлге отырып, үлкен өмірге аяқ басып, еңбекке жастайынан араласқан Закия Хайрушұлы 40 жылдан астам уақыт бойы көлік жүргізушісі болып жұмыс жасап келеді.