Тұңғыш Президент күні атап өтілді

Жамбыл облысы кәсіподақтар бірлестігінің ұйымдастыруымен «Қазақстан Республикасының Тұнғыш Президенті күні» мерекесіне орай «Елбасы және Ұлы Дала елінің құндылықтары» деген тақырыпта конференция өтті.

ТИГУ университетінің акт залында өткен конференцияға 200-ден астам студенттер, оқытушы-профессорлар, зиялы қауым өкілдері және кәсіподақ мүшелері қатысты.

Жиында Жамбыл облысы кәсіподақтар бірлестігінің төрағасы, Қазақстанның еңбек сіңірген қайраткері М.Төлепберген арнайы баяндама жасады. Сондай-ақ тарихшы – ғалым С. Бақторазов, факультет деканы М.Нұрғабылов, жас ғалым Б.Бекназаровтың қосымша баяндамасы тыңдалды.

Елбасының Жолдаулары мен әйгілі мақаласынан туындайтын ой- толғамдар мен елдік құндылықтар сөз болды. Бұл ортақ істе барлық қоғамдық ұйымдар, оның ішінде кәсіподақ ұйымдары атқаратын іс – әрекеттері де айтылды. Саяси-әлеуметтік бірлік, қоғамдық белсенділік, еңбек адамына мемлекеттік қамқорлық аясында пікір алысылды.