Үстел теннисінен ашық біріншілік өтті

2019 жылғы 16 наурыз күні «Шымкент қаласы және Түркістан облысы бойынша кәсіподақтар орталығы» аумақтық кәсіподақтар бірлестігінің және Түркістан облыстық теннис және спорттық ойын түрлерінен олимпиада резервінің мамандандырылған балалар-жасөспірімдер спорт мектебімен бірлесе ұйымдастыруымен кәсіподақтар ғимаратында орналасқан спорт залында «Жастар жылы» аясында балалар және жасөспірімдер арасында үстел теннисінен ашық біріншілік өткізді.

Аталған іс-шараның салтанатты ашылуына «Шымкент қаласы және Түркістан облысы бойынша кәсіподақтар орталығы» аумақтық кәсіподақтар бірлестігінің төрағасы Бекжанов Берік Айдарбекұлы қатысып, іс-шараның маңыздылығын атап өтіп, жасөспірімдердің спорттық жарыстарына сәттілік тіледі.

Үстел теннисі жарысына Шымкент, Түркістан, Кентау қалаларынан және Сайрам, Келес, Қазығұрт, Жетісай, Сарыағаш аудандарынан жалпы 100- ге тарта балалар қатысты.

Үстел теннисінен өткен ашық біріншіліктің қорытындысы бойынша жүлделі орын алған жеңімпаздарға марапаттар мен сыйлықтар тапсырылып, балалар зор қуанышпен тарқасты.