Ең сүйікті халықаралық мерекелердің бірі – Халықаралық балаларды қорғау күні қарсаңында Кәсіподақтар Орталығы мен Қарағанды Облыстық білім және ғылым қызметкерлері кәсіподағының және Мемлекеттік, банк мекемелері және қоғамдық қызмет көрсету қызметкерлері салалық кәсіптік одағының Қарағанды облыстық филиалы өкілдері ерекше қажеттіліктері бар балаларды келе жатқан мерекелерімен құттықтады. Ұлы Абай Құнанбаев айтқандай «адамды балалық шақта жаны билейді», дәл осы сөздер балалардың өмір қуанышы мен шынайылығын көрсетеді, тіпті бүкіл әлем үшін оңай емес уақытта да оларға жарқын естеліктер мен қамқорлық жасау үшін көп нәрсе керек емес екенін айқындайды.
Бүгін Тимур Галявиев пен Дмитрий Скокқа келген кәсіподақ қызметкерлері балалар қалаған сыйлықтарды, тәттілер мен карантин уақытында көпшілікке қажет мейірімді адамдық қарым-қатынасты тарту етті.
Балалар мен олардың отбасылары Қазақстан Республикасының Кәсіподақ федерациясының өкілдерін өз үйлерінде қуана қарсы алып, өздерінің әуестіктері мен үй істері туралы айтып берді. Тимур суғаруға көмектесетін үй шаруашылығы мен бақшаны көрсетті, ал Дмитрий Иоганн Себастьян Бахтың шығармасының бір бөлігін орындап, баянда өз ойынын көрсетті.
Маусым айының басында кәсіподақ қозғалысының белсенділері Гауһар Ғабдуллинаға барады, ол қазір Көкшетау қаласында әжесіне қонақта, оған оның музыкалық қабілеттерін дамыту үшін сыйлық дайындалды.