Бүгін ҚР Үкіметі, республикалық жұмысшылар бірлестіктері мен республикалық жұмыс берушілер бірлестіктері арасындағы 2021-2023 жылдарға арналған Бас келісім жобасына ұсыныстарды бірлесіп әзірлеу жөніндегі Республикалық кәсіподақтар бірлестіктерінің жұмыс тобының үшінші отырысы өтті.
Кезекті отырыста Жұмыс тобының мүшелері құжаттың екінші бөлімі «Экономикалық саясат» қарастырды.
Қатысушылар ҚР Кәсіподақтар федерациясы әзірлеген ұсыныстар мен «Аманат» Қазақстан кәсіподақтарының ынтымақтастығы және Қазақстан Еңбек конфедерациясының келісілген ұсыныстарын жан-жақты талқылады.
ҚРКФ төрағасының орынбасары Гүлнара Жұмагелдиева Кәсіподақтар федерациясының ұсыныстары ең алдымен жұмыс орындарын сақтау және жаңа жұмыс орындарын құру арқылы еңбек нарығын дамытуға және халықты тиімді жұмыспен қамтуға жәрдемдесуге бағытталғанғанын мәлімдеді.
Осыған орай, Қазақстан Республикасының Кәсіподақтар федерациясы Үкіметтің Ұлттық банкпен бірлесіп, жылдық экономикалық өсуді 4% -дан кем емес деңгейге жеткізу, негізгі капиталға салынған инвестициялардың үлесін 2024 жылға қарай ЖІӨ-нің 25% -на дейін жеткізу және инфляцияны 4% дейін төмендету, жұмыссыздық деңгейін 5% -дан жоғары емес деңгейде ұстап, 2021-2023 жж. төлем балансының тапшылығын болдырмау үшін теңдестірілген макроэкономикалық саясат жүргізу қажеттігін атап өтті.
Сонымен қатар, бұл бағыттағы маңызды қадам арзан несие, мемлекеттік және квазимемлекеттік сатып алу, жұмыс орындарын бірлесіп қаржыландыру, сонымен қатар салық жүктемесін азайту арқылы өндірістік қызметті арттыруға бағытталған салықтық ынталандыру болуы керек.
Жұмыс берушілердің республикалық бірлестіктері жұмыс орындарының максималды сақталуын қамтамасыз ету, бірдей біліктілікке ие жергілікті және шетелдік жұмысшылардың жалақысы мен еңбек жағдайлары бойынша теңдікті қамтамасыз ету, сондай-ақ әлеуметтік кәсіпкерліктің дамуына және бизнестің әлеуметтік жауапкершілігін кеңейтуді ұсынды.
Кәсіподақтар мен жұмыс берушілердің өкілдерін экономикалық саясат бойынша стратегиялық шешімдерді дайындау мен талқылауға белсенді түрде тарту қажеттілігі де айтылды.
Құжатта шағын және орта кәсіпкерлікті дамытуды ынталандыруға ерекше назар аударылған.
Осылайша, Кәсіподақтар федерациясы Үкіметке алдағы үш жылда әлеуметтік серіктестік тараптарымен басқа салықтар бойынша салық режимдеріне енгізілетін түзетулерді келісу үшін табыс салығы мен қосылған құн салығы ставкаларын көтеруден бас тартуды ұсынады.
«Аманат» Қазақстан кәсіподақтарының ынтымақтастығы және Қазақстан Еңбек конфедерациясының келісілген ұсыныстары Бас келісім жобасына жаңа жұмыс орындарын құру және сақтау, әлеуметтік-еңбек саласында кепілдіктерді қамтамасыз ету, экономиканың нақты секторын мемлекеттік қолдау шараларының тиімділігін арттыру бойынша бірқатар нормаларды енгізуді қарастырады.
Барлық ұсыныстарды мұқият талқылай келе, жиналысқа қатысушылар еңбек және экономикалық құқықтар мен жұмысшылардың жалақысының кепілдемесін тиімді түрде қамтамасыз ететін ортақ тәсілдерді әзірледі. Жұмыс тобының кезекті отырысын өткізу 19 маусымға жоспарланған.
ҚР Кәсіподақтар федерациясының баспасөз қызметі