Кәсіподақтар федерациясында ҚРКФ Төрағасы Сатыбалды Дәулеталин Фридрих Эберт атындағы қордың сарапшыларымен қордың Қазақстандағы және Өзбекстандағы аймақтық директоры Кристоф Мормен және Нұр-Сұлтан қаласындағы қор бюросының жетекшісі Зәуреш Шутовамен кездесті.
ҚРКФ басшысы Қазақстандағы әлеуметтік-еңбек қатынастарын жақсарту тұрғысынан федерация мен қор арасындағы жемісті ынтымақтастықтың маңызды рөлін атап өтті. Сатыбалды Дәулеталин өз сөзінде халықаралық сарапшыларын Кәсіподақтар Федерациясының сайлаудағы нәтижелерінен хабардар етті.
«Соңғы 20 жылда алғаш рет Кәсіподақтар федерациясының өкілдері Парламент Мәжілісіне кірді. Үш кәсіподақ жетекшілері Мәжіліс депутаты болды және жүзден астам кәсіподақ мүшелері бүкіл ел бойынша облыстық, қалалық және аудандық мәслихаттарға өтті. Бұл үлкен жетістік деп санаймыз », – деді Сатыбалды Дәулеталин.
Кездесу барысында тараптар биылғы екіжақты ынтымақтастықтың басым бағыттарын талқылады.
ҚРКФ Төрағасының орынбасары Гүлнар Жұмагелдиева Кәсіподақтар Федерациясының Фридрих Эберт Қорымен бірлесіп жүзеге асыратын бірқатар жобаларды таныстырды
Ең алдымен ол татуластыру рәсімдерін әзірлеу бойынша ынтымақтастықты жалғастыру керектігін атап өтті. Алматы, Ақсай (БҚО), Өскемен (Шығыс Қазақстан облысы) қалаларындағы филиалдар үшін «Жұмыс берушілер мен қызметкерлерге арналған диалог алаңы: еңбек жанжалдарын шешуде татуласу рәсімдері» тақырыбында бірқатар бірлескен оқу іс-шараларын өткізу ұсынылды.
Екіжақты ынтымақтастықтың маңызды бағыттарының қатарында «Заң клиникасы», «Жастар көшбасшылығы бағдарламасы», «Гендерлік теңдікті дамыту» сияқты жобаларды әзірлеу мен тиімді жүзеге асырудың маңыздылығы, сондай-ақ кәсіподақтарда жобаларды басқару жүйесін енгізу маңыздылығы атап өтілді.
Шетелдік мамандар Кәсіподақтар федерациясының ұсыныстарын қызығушылықпен қабылдады.
Кристоф Мор ҚРКФ-ның жас кәсіподақ белсенділері желісін құру туралы бастамасын қолдады және кәсіподақ жастарының ең жарқын өкілдерін Ф.Эберт Қорының жастар жобасына қатысуға шақырды.
Қордың жаңа бағдарламасы, халықаралық сарапшы айтқандай, саясат пен азаматтық белсенділікке бірінші кезектегі Қазақстанның дарынды және ынталы жастарының әлеуетін күшейтуге бағытталған.
Заң клиникасын талқылау шеңберінде сарапшылар оның мықты құрал және Германия кәсіподақтарында қызметкер үшін маңызды заңды сақтандыру екенін атап өтті.
Тараптар гендерлік теңдікті қамтамасыз ету саласындағы ынтымақтастық мәселелеріне ерекше назар аударды.
Гүлнар Жұмагелдиева халықаралық серіктестердің осы саладағы құнды тәжірибесін атап өтті.
«Кәсіподақтар федерациясының даму стратегиясында гендерлік теңдікті қамтамасыз етуге ерекше назар аударылған. ҚРКФ-ның Еңбеккер әйелдер мәселесі жөніндегі комиссия жүйелі түрде жалақыдағы гендерлік тепе-теңдікті қамтамасыз ету, әйелдердің жарақаттану деңгейінің төмендеуі, өндірістегі зорлық-зомбылықпен күрес және т.б. мәселелерді көтереді. “Бұл бағыттағы Ф.Эберт қорының тәжірибелері біз үшін өте пайдалы болар еді. Біз әйелдер қоғамдық және саяси салаларда өзін көрсете алуы үшін оларды көшбасшылық қабілеттерге үйретуді жоспарлап отырмыз», – деді Гүлнар Жұмагелдиева.
ҚРКФ Төрағасының орынбасары Ф.Эберт қорының өкілдерін Кәсіподақтар федерациясының биылға жоспарланған ауқымды шараларына қатысуға шақырды.
Әңгіме Ұлттық лайықты еңбек бағдарламасын дайындауға, жалақы жүйесін жетілдіруге, сондай-ақ жұмысшылардың өмірі мен денсаулығын сақтауға арналған алдын-алу шараларын жүзеге асыруға арналған бірқатар «дөңгелек үстелдер» өткізу туралы болып отыр.
Кездесу соңында Қазақстан Республикасы Кәсіподақтар Федерациясының Төрағасы Сатыбалды Дәулеталин қор өкілдеріне кәсіподақ жобаларын жан-жақты талқылағаны үшін алғыс айтты
Кездесуге қатысушылар бірқатар бағыттар бойынша кәсіподақ қызметкерлерінің әлеуеті мен біліктілігін арттыру және оқыту саласында одан әрі ынтымақтастық туралы келісімге келді.
ҚР Кәсіподақтар федерациясының медиа орталығы