Құрметті атом саласының қызметкерлері!
ҚР Кәсіподақтар федерациясы және жеке өзімнің атымнан сіздерді кәсіби мереке – Атом саласы қызметкерлерінің күнімен шын жүректен құттықтаймын!
Қазақстанның атом саласы экономиканың стратегиялық маңызды және табысты салаларының бірі. Сіздердің елеулі еңбектеріңіздің арқасында Қазақстан – әлемдегі ең ірі уран өндіруші мемлекетке айналды.
Атом өнеркәсібінің негізгі капиталы – өз ісіне шын берілген, нағыз жоғары білікті мамандар. Сіздер мамандыққа адалдық танытып, ерекше жауапкершіліктеріңіз бен адал еңбектеріңіз арқылы еліміздің атом саласының өсіп-өркендеуіне өлшеусіз үлес қосып келесіздер.
Бүгінгі мерекеде баршаңызға зор денсаулық пен қауіпсіз жұмыс, толағай табыс тілеймін!
Ізгі тілекпен,
ҚР Кәсіподақтар федерациясының төрағасы С.Дәулеталин