2021 жылы “Қазақстандық салалық энергетиктер кәсіптік одағы” қоғамдық бірлестігі ұйымдастырған “Үздік бастауыш кәсіподақ ұйымы” байқауының жеңімпазы болып “Болат Нұржанов атындағы Екібастұз МАЭС-1” ЖШС бастауыш кәсіподақ ұйымы танылды.
Қазіргі уақытта “Болат Нұржанов атындағы Екібастұз МАЭС-1” ЖШС-де 1411 қызметкер жұмыс істейді, оның ішінде кәсіподақ мүшелері 1136 адам, бұл станция жұмыскерлері санының 80%-ын құрайды.
2016 жылғы 22 сәуірде “Болат Нұржанов атындағы Екібастұз МАЭС-1” ЖШС кәсіподақ ұйымымен 2016-2021 жылдарға жұмыс берушімен ұжымдық шарт жасалды. Ұжымдық шарт қызметкерлердің еңбек және әлеуметтік құқықтарын едәуір жақсартты және нығайтты, жеңілдіктер мен өтемақыларды кеңейтті, еңбек ұжымының барлық мүшелерінің әлеуметтік қорғалуын нығайтты.
Ұжымдық шартқа сәйкес станция қызметкерлеріне берілетін әлеуметтік төлемдер мен жеңілдіктердің қатарына: демалысқа материалдық көмек, бала тууына байланысты әйелдерге материалдық көмек, зейнеткерлік жасқа жетуіне байланысты қызметкерлерді біржолғы көтермелеу, 1 жасқа дейінгі бала күтімі бойынша демалыста жүрген әйелдерге ай сайынғы материалдық көмек, зейнеткерлерге ай сайынғы материалдық көмек, қызметкерлер мен зейнеткерлерге санаторлық-курорттық емделу құнын өтеу, мерейтойлық күнге байланысты көтермелеу, медициналық және стоматологиялық қызметтер көрсету кіреді, балалар сауықтыру лагерінде қызметкерлердің балаларының жазғы демалысын ұйымдастыру.
Ұжымдық шартқа арнайы киім және жеке қорғану құралдарын беру нормалары бойынша өзгерістер енгізілді, зейнеткерлерге материалдық көмек төлеу сомасы ұлғайтылды, кәсіпорындағы жұмыс өтіліне сәйкес еңбекке жарамсыздық парағына қосымша ақы енгізілді.
Әрбір қызметкердің әлеуметтік-еңбек құқықтары мен кәсіби мүдделерін қорғауға құқығы бар. Бұл құқықты іске асыру құрамында 10 адам бар келісім комиссиясының кәсіпорнында жұмыс істеу арқылы жүзеге асырылады.
2021 жылдың 1 жартыжылдығында келісім комиссиясына 2 өтініш келіп түсті, олардың бірі қызметкерлерді жеке қорғану құралдарымен қамтамасыз ету мәселесі бойынша қызметкерлердің пайдасына қаралды.
Еңбек қауіпсіздігі және еңбекті қорғау талаптарын қамтамасыз ету, өндірістік жарақаттану мен кәсіптік аурулардың алдын алу бойынша жұмыс беруші мен кәсіподақтың бірлескен іс-қимылдарын ұйымдастыру үшін кәсіпорында шешімдері жұмыс беруші мен жұмыскерлер үшін міндетті өндірістік кеңес жұмыс істейді.
“Болат Нұржанов атындағы Екібастұз МАЭС-1” ЖШС-нің әрбір өндірістік бөлімшесінде 17 құрылымдық бөлімшеде еңбекті қорғау жөніндегі техникалық инспекторлар таңдалып, жұмыс істейді.
Еңбекті қорғау жөніндегі техникалық инспекторлар жоспарлы тексерулер мен жұмыс орындарын аралауды жүргізеді. Тексеру жүргізу кезінде жұмысшылар үшін қауіпсіз жағдайлар жасауға, жұмыс орындарындағы барлық тәуекелдерді жоюға немесе азайтуға баса назар аударылады. 2020 жылы анықталған 677 бұзушылықтың 653-і жойылды, 24 бұзушылықты жою мерзімі келген жоқ, себебі бұл бұзушылықтар жою үшін уақытты қажет етеді.
Атқарылған жұмыс өндірістік жарақаттануды төмендету бойынша өз нәтижелерін береді: 2019 жылы 6 жазатайым оқиға, оның ішінде 3 ауыр нәтижемен, ал 2020 жылы 1 жеңіл нәтижемен жазатайым оқиға болды, 2021 жылдың бірінші жартыжылдығында жазатайым оқиғалар тіркелген жоқ.
Жыл сайын станцияда Дүниежүзілік еңбекті қорғау күніне арналған айлық жарияланады, оның аясында түрлі байқаулар мен іс-шаралар ұйымдастырылады және өткізіледі.
Кәсіподақ комитетінің тағы бір бағыты – қызметкерлерді сауықтыру, салауатты өмір салтын насихаттау. Осы бағытты жүзеге асыру үшін кәсіподақ комитеті жыл сайын кәсіпорынның құрылымдық бөлімшелері арасында шағын футбол, стритбол және волейбол бойынша спорттық іс-шаралар өткізеді. Жарысқа кәсіпорынның барлық бөлімшелері қатысады.