“Қазхром” ТҰК”АҚ филиалы – Ақсу ферроқорытпа зауытында белсенді кәсіподақ мүшелерінің еңбегі атап өтілді

Қазақстан Республикасы Кәсіподақтар федерациясы төрағасының орынбасары Гүлнар Амангелдіқызы Жұмагелдиеваның Павлодар облысына жұмыс сапары аясында Ақсу ферроқорытпа зауытының директоры – “Қазхром”  ТҰК” АҚ филиалы Чихичин Валентин Яковлевичпен, Ақсу ферроқорытпа зауытының кәсіподақ комитетімен және Павлодар облысы аумақтық кәсіподақтар бірлестігінің еңбекші әйелдер істері жөніндегі комиссиясымен кездесу өтті.


Бастауыш кәсіподақ ұйымының жұмысы жұмыс берушімен әлеуметтік әріптестік негізінде зауыт директоры Чихичин Валентин Яковлевич тұлғасында құрылады.

Кәсіпорында 2016-2021 жылдарға қабылданған Ұжымдық шарт жұмыс істейді, келісу комиссиясы мен өндірістік кеңес құрылды және жұмыс істейді.

Кездесуге қатысушыларды құттықтай отырып, модератор “Қазметаллкәсіп” Павлодар облысы бойынша салалық тау-кен металлургия кәсіптік одағы” ҚБ төрағасының орынбасары Р.Даумова тау-кен металлургия саласының бастауыш кәсіподақ ұйымдарының жұмысы туралы айтып берді.

Бастауыш кәсіподақ ұйымының төрағасы Н.Сухотерин өз сөзінде ұжымдық шартта жұмыскерлер үшін кепілдіктер мен жеңілдіктердің бекітілуі, тұрғын үй беру бойынша зауытта жүргізіліп жатқан әлеуметтік саясат, қызметкерлер балаларының жазғы демалысын дамыту және санаторий-курорттық емдеу, пандемия кезеңінде сауықтыру бойынша іс-шаралар өткізу туралы айтып берді.

“Қазхром” ТҰК” АҚ Ақсу ферроқорытпа зауытының бастауыш кәсіподақ ұйымы жұмысының негізгі бағыттарының бірі еңбекті қорғау бойынша 93 техникалық инспектор мен кәсіпорынның өндірістік кеңесі тарапынан жүзеге асырылатын еңбекті қорғау және қауіпсіздікті қоғамдық бақылау болып табылады”, – деп атап өтті қауіпсіздік техникасы бойынша бастауыш кәсіподақ ұйымының бас маманы Л.Рахәділов.

Ақсу ферроқорытпа зауыты жастарының волонтерлік жұмыс тәжірибесімен электроника инженері А.Кузнецов бөлісті.

Павлодар облысы аумақтық кәсіподақтар бірлестігінің еңбекші әйелдер істері жөніндегі комиссиясының хатшысы Н.Кучерук комиссияның 2021 жылы атқарған жұмысы туралы айтып берді.

“Комиссия жұмысының басты бағыттарының бірі әйелдерді әлеуметтік қолдау, олардың еңбек ұжымдарында қорғалуы, олардың құқықтары мен бостандықтарын қамтамасыз ету болып табылады. Осы мақсатта кәсіпорындарда әйелдердің еңбек жағдайлары, арнайы киіммен және қорғаныс құралдарымен қамтамасыз ету, демалыс үшін жағдай жасау, ұжымдық шарттар бойынша әлеуметтік жеңілдіктермен қамтамасыз ету бойынша рейдтер мен тексерулер жүргізіледі”, – деп бөлісті спикер.

Жұмысшы әйелдер істері жөніндегі комиссия мүшелері “Қазақстан алюминийі” АҚ цех комитетінің төрайымы Г.Канапина және “KSP Steel” ЖШС бастауыш кәсіподақ ұйымы төрағасының орынбасары А.Горланова пандемия кезінде коронавирустық инфекцияның таралуына қарсы қосымша қауіпсіздік шараларының сақталуына кәсіподақтарды қоғамдық бақылау бойынша жұмыс тәжірибесімен бөлісті.

“Кәсіподақ комитеті ұжымдық шартта әлеуметтік жеңілдіктер мен кепілдіктерді бекіту арқылы жұмыскерлердің еңбек құқықтарын қорғау жөніндегі кәсіпорын басшылығымен әлеуметтік әріптестікте жүргізетін үлкен жұмысты атап өту керек, зауытта “Халықтық бақылау ” жобасы жұмыс істейді, кәсіподақ қызметінде зауыт жастары белсенді жұмыс істейді. Осының барлығы кәсіподақ мүшелерінің өз зауытын дамытуға және еңбек ұжымының әлеуметтік-еңбек тұрақтылығын нығайтуға деген белсенді және бей-жай қарамайтындығын куәландырады”, – деп алғысын білдірді Г. Жұмагелдиева.

Қазақстан Республикасы Кәсіподақтар федерациясы төрағасының орынбасары Г.Жұмагелдиевамен өткен диалогтық кездесу соңында Қазақстан Республикасы кәсіподақтар күніне орай салтанатты марапаттау рәсімі өтті.